უწმინდესი და უნეტარესი ილია II იუბილარია - პატრიარქი 89 წლის გახდა

დღეს სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია II 89 წლის გახდა.

"დიდი სიყვარულითა და პატივისცემით ვულოცავთ მის უწმინდესობას ამ დღეს.

 მადლობას ვწირავთ უფალს, რომ ჩვენი ქვეყნისა და ეკლესიისათვის მნიშვნელოვან ჟამს სწორედ ასეთი გამორჩეული საჭეთმპყრობელი გვარგუნა.

მისი უწმინდესობა მრავალი წელია დაუღალავად გვასწავლის ქრისტეს რწმენის ერთგულებას, სიყვარულს, მადლიერებას, მოთმინებას, სიკეთეს, შენდობასა და ადამიანებზე ზრუნვას.

ვუსურვებთ უწმინდესსა და უნეტარესს ჯანმრთელობას, მხნეობას და მრავალჟამიერ სიცოცხლეს!

დაე, უფლის შეწევნით, კიდევ დიდხანს ეწინამძღვროს საქართველოს მართლმადიდებელი ეკლესიისათვის ქრისტეს ჭეშმარიტებისა და ქართველი ერის სულიერად განმტკიცებისკენ სავალ გზაზე",- აღნიშნულია საპატრიარქოს მიერ გავრცელებულ მილოცვაში.

89 წლის წინ, 1933 წლის 4 იანვარს ვლადიკავკაზში გიორგი და ნატალია შიოლაშვილების ოჯახს ახალი წევრი შეემატა.

ახალშობილს მშობლებმა ირაკლი დაარქვეს, რომელიც მესამე დღეს წმინდა ნინოს სახელობის ქართულ ეკლესიაში მონათლეს.

იმ დროს, ვერც ნათლობის საიდუმლოს აღმსრულებელი არქიმანდრიტი ტარასი (კანდელაკი) და ვერც ნათლია, მონაზონი ზოილე (დვალიშვილი) ვერ წარმოიდგენდნენ, რომ მონათლეს საქართველოს მართლმადიდებელი ეკლესიის მომავალი საჭეთმპყრობელი...

სხვა სიახლეები:

📍"ბიჭი დღესასწაული წავიდა... წავიდა და ისეთი ტკივილია, კედელი გინდა გაარღვიო" - რას წერს სოფიო მდინარაძე გარდაცვლილ ბიზნესმენ ირაკლი ჭკადუაზე

📍საქართველოში კორონავირუსით 67 პაციენტი გარდაიცვალა