რეპორტაჟები იტალიიდან - ExclusiveTV-ის ახალი პროექტი

დღეიდან ExclusiveTV.ge გთავაზობთ ახალ პროექტს, იტალიაში მცხოვრები ჩვენი საინფორმაციო სააგენტოს იტალიის ბიუროს ხელმძღვანელისა და ჟურნალისტის, ნინა მამუკაძის საავტორო გადაცემას "ნინას ესპრესო", რაც გულისხმობს რეპორტაჟების ციკლს, იტალიაში მცხოვრები ქართველი ემიგრანტების შესახებ. ჩვენ შემოგთავაზებთ ბევრ საინტერესო ამბავს და ისტორიას და პირველები გიამბობთ იმ ქართველების შესახებ, რომლებმაც ემიგრაცია დაძლიეს ან უბრალოდ ჩვენს მხარდაჭერას საჭიროებენ.

ჩვენ მოგიყვებით და გაგაცნობთ იმ იტალიელებს, რომლებიც საქართველოსა და ქართველი ხალხის მეგობრები არიან. ჩვენ ვიწყებთ ემიგრანტების ისტორიის ფირზე გადატანას და ძლიერი დიასპორის გაერთიანებას.

პირველი გადაცემის სტუმარია იტალიაში მოღვაწე მხატვარი რეზო ივერიელი (ერი შვილი). რეზო წარმოშობით ფოთიდანაა, თუმცა, 2010 წლიდან ოჯახთან ერთად იტალიის ქალაქ ფლორენციაში ცხოვრობს, სადაც როგორც ხელოვანმა გარკვეული სიტყვა უკვე თქვა. მისი ნამუშევრების უდიდეს ნაწილში სწორედ ფლორენციას შენიშნავთ, თუმცა, გარდა ფერწერისა, იგი რესტავრაციითაც არის დაკავებული და ისეთი ხელოვანების ნამუშევრების რესტავრაციაზე უმუშავია, როგორებიც არიან დონატელო, ბენჩივენი და სხვები, თუმცა სჯობს, თავად რეზოსგან მოვისმინოთ დანარჩენი…