„მეც ვიდექი მეხუთე სართულის ღია ფანჯარასთან... მე უფალი ავირჩიე - გაეცალეთ მოძალადეს!“ - ანა ბურდული

„როდესაც მოძალადე არის ქვეყნის ძალოვანი სტრუქტურების წარმომადგენელი და თავდაცვის ნულოვანი საშუალება გაქვს, პირველ რიგში უნდა დატოვო მოძალადე ადამიანი და შემდეგ ქვეყანაც, თუ სიცოცხლე ამას მოითხოვს და მაგალითი თავად ვარ! ავირჩიე სიცოცხლე და ავირჩიე ღმერთი! გადავრჩი!“ - უპასუხა exclusivetv.ge-ს მიერ დასმულ კითხვას, იტალიაში, ემიგრაციაში მყოფმა ანა ბურდულმა. 

ანა ბურდული, რამდენიმე წელია იტალიაში ცხოვრობს. როგორც თავად გვიყვება, ემიგრაციაში წასვლის მიზეზი ოჯახური ძალადობა გახდა. დღეს ანა ძალადობის მსხვერპლ ქალებს მოუწოდებს, იპოვონ ძალა და გამბედაობა და არჩევანი საკუთარი სიცოცხლის სასარგებლოდ გააკეთონ. 

„როდესაც ვიგებ, რომ კლავენ ქალებს მშვიდობიან ქვეყანაში, როდესაც ვიგებ, რომ ქალები იკლავენ თავს და ეს ორივე შემთხვევა უკავშირდება მოძალადე ოჯახს ან უვარგის და შეუმდგარ კაცს, ვინც თანამდებობას და იარაღს იყენებს ტვინის და გულის ნაცვლად, ქალთან, ცოლი ან შვილი რომ ჰქვია, რომელსაც შიშით, მოკვლამდე მუჭში ჰყავს მომწყვდეული სუსტი არსება, მინდა ვუთხრა, - 33კბილი ერთად რომ გტკიოდეს, მთელი დარჩენილი არსებობა კუპრში რომ მოიხარშები, ძვლებზე მიწას არ გაღირსებენ, ან თუნდაც, პატივით ჩაგდებენ სამარეში და ეკლესიაშიც საპატიო ადგილას მდგარს, იქიდანაც გაგასვენებენ, არაფერი არ გიშველის ადამიანის მკვლელს!!!

გოგოებოო, არავის გამო, არაფრის გამო, არანაირი შიშის გამო, არავის ხათრის გამო, ყოველგვარი ორჭოფობის გარეშე დატოვეთ თქვენი საქმროები, ქმრები, ძმები, მამები თუ ისინი ძალადობენ და გადით გარეთ!!!

არის ცენტრები, დარეკეთ და თავშესაფარში გადადით! წადით ქვეყნიდან! ნათესავებს შეაფარეთ 3 დღით თავი და გზა გამოჩნდება!!!

ჩემმა ერთმა მეგობარმა, ხანგრძლივი ნერვიულობით ეტლით დაასრულა სიცოცხლე, მოუვლელმა და წამალმონატრულმა...

ერთმა, ჩემმა მეგობარმა, მერვე სართულიდან დატოვა სამყარო და მისი სულისთვის ლოცვაღა დაგვიტოვა...

ერთმა ნაცნობმა დედამ, მეზობლის საბძელში თავი ჩამოიკიდა...

რამდენი მოკლეს, რამდენი ფსიქიატრულ მკურნალობას გადის!!!

გამოსავალი არის დროულად გაცლა მოძალადისგან და ის ძალადობას იწყებს სულზე ზეწოლით მსუბუქად: რას ჰგავხარ... რაც გაქვს, ის იკმარე, არ წახვალ, შვილს ვერ ზრდი... მერე მოდის უფრო ბევრი სახის მძიმე ძალადობა.
დატოვეთ და გადით სახლიდან!

ეს თემა ჩემთვის ყოველთვის აქტიური იქნება. ვფიქრობ ყველასთვისაც.
მეც ვიდექი მეხუთე სართულის ღია ფანჯარასთან სანამ არ დავიჯერე, რომ დიახ, ძალადობა რაც ხდება და უნდა გავერიდო!

მე უფალი ავირჩი და მისგან ნაჩუქარი სიცოცხლე.
წლების მერეც იგივეს ვიტყვი!“ 

თუ იტალიაში იმყოფებით და ხართ ძალადობის მსხვერპლი:

თუ ხართ ტრეფიკინგის/ექსპლუატაციის მსხვერპლი, შეგიძლიათ ითხოვოთ დახმარება შემდეგ ნომერზე: 800 290 290 ან 3427754946. მომსახურება უფასოა და რაც მთავარია ანონიმური.

ასევე შეგიძლიათ მიიღოთ ინფორმაცია სპეციალური სერვისების შესახებ.

აგრეთვე დაგაინტერესებთ:

📌 იტალია - როგორ იცვლება კარანტინის პირობები 1-ლი აპრილიდან

📌 იტალიაში 1-ლი აპრილიდან სად უქმდება Green pass-ის ვალდებულება?!

📌 იტალია - მაფიოზური დაჯგუფების წევრისთვის ჩამორთმეულ ვილაში, უკრაინელი ლტოლვილებისთვის თავშესაფარი გაიხსნა

📌 წმინდა ნიკოლოზის ქანდაკებიდან მოპარული ნივთები ნაპოვნია და ისინი უკვე ადგილზე დააბრუნეს