1 მაისიდან საბერძნეთში სამოგზაუროდ ევროკავშირის ციფრული COVID სერტიფიკატის მოთხოვნის ვალდებულება უქმდება

საბერძნეთის ექსპერტთა კომიტეტის გადაწყვეტილებით, 1 მაისიდან ქვეყანაში შესასვლელად კორონავირუსის საწინააღმდეგო ვაქცინაციის ან გადატანილი დაავადების დამადასტურებელი სერტიფიკატის მოთხოვნის ვალდებულება უქმდება.

რაც იმას ნიშნავს, რომ 31 ოქტომბრამდე, საბერძნეთში სამოგზაუროდ, ტურისტებს ევროკავშირის ციფრული COVID სერტიფიკატი ( COVID PASS) აღარ დასჭირდებათ და ქვეყანაში შესვლას ვაქცინირებული და არა ვაქცინირებული პირები თანაბარი უფლებებით შეძლებენ.

28 აპრილს ჯანდაცვის სამინისტროს მიერ გამართულ ბრიფინგზე ოფიციალურად დადასტურდა, რომ საბერძნეთში 1 მაისიდან  ვაქცინაციის და გადატანილი კორონავირუსის დაავადების დამადასტურებელი სერტიფიკატები 31 ოქტომბრამდე გაუქმდება.

რაც შეეხება პირბადეს, საბერძნეთის ჯანდაცვის მინისტრის მოადგილის განცხადებით, მაისის ბოლომდე, დახურულ სივრცეში პირბადის გამოყენება  სავალდებულოდ რჩება, რაც შესაძლოა 1 ივნისიდან გაუქმდეს, თუმცა ამის შესახებ ზუსტ გადაწყვეტილებას კომიტეტი 31 მაისს მიიღებს. 

ექსპერტთა კომიტეტი კორონავირუსის საწინააღმდეგო ზომების მოხსნასთან დაკავშირებით მიღებულ გადაწყვეტილებებს 1 სექტემბერს, მიმდინარე ეპიდემიოლოგიური მდგომარეობის შესაბამისად კიდევ ერთხელ განიხილავს.

ასევე საინტერესოა

🔵1 მაისიდან, საკონსულო მომსახურებისთვის დადგენილი მოსაკრებელი მცირდება - გაეცანით ახალ ტარიფებს

🔵საბერძნეთში, სუპერმარკეტიდან დაბრუნებულ ქალს სახლში მძარცველები დახვდნენ "ქამარი კისერზე მიაბეს და ფულს სთხოვდნენ"

🔵მჟავით თავდასხმის შემდეგ იოანას პირველი სურათი ნიღბის გარეშე