ჩრდილოეთ ამერიკის ეპისკოპოსი საბა საბერძნეთს სტუმრობს, მღვდელმთავარმა თესალონიკის საკათედრო ტაძარში ლიტურგია აღავლინა

ჩრდილოეთ ამერიკის ეპარქიის მმართველი მღვდელმთავარი, მეუფე საბა მისი უწმიდესობის და უნეტარესობის, სრულიად საქართველოს კათოლიკოს-პატრიარქის ილია მეორის ლოცვა-კურთხევით, საბერძნეთში ვიზიტით იმყოფება.

ინფორმაციას ჩრდილოეთ ამერიკის ეპარქიის ოფიციალური გვერდი ავრცელებს: 

"2022 წლის 13 თებერვალს, მისი ყოვლადუწმინდესობის თესალონიკის მიტროპოლიტ ანთიმოზის კურთხევით, თესალონიკში არსებულ წმინდა დიდმოწამე დიმიტრი მირონმდინარის (თესალონიკელი) სახელობის ტაძარში სადღესასწაულო საღმრთო ლიტურგია აღასრულა, საქართველოს მართლმადიდებელი ეკლესიის მღვდელმთავარმა და წმინდა სინოდის წევრმა, ჩრდილოეთ ამერიკის ეპისკოპოსმა საბამ (ინწკირველი)." 

მღვდელმთავარს თანამსახურებდნენ წმინდა დიდმოწამე დიმიტრი თესალონიკელის ტაძრის წინამძღვარი, ყოვლადღირსი არქიმანდრიტი დამასკონოსი, საბერძნეთში საგანმანათლებლო მისიით წარმოგზავნილი ჩვენი ეპარქიის ორი მღვდელმსახური, მღვდელ-მონაზონი ირინეოსი და მღვდელ-მონაზონი იერონიმე, ასევე თესალონიკის სამიტროპლოიტოს სხვა მღვდელმსახურები.

ლიტურგიის დასასრულს ტაძრის წინამძღვარმა, საქართველოს ეკლესიის მღვდელმთავრისადმი წარმოთქვა მისასალმებელი სიტყვა, ასევე თავის მხრივ სამადლობელი სიტყვა წარმოთქვა, ჩრდ. ამერიკის ეპარქიის მმართველმა მღვდელმთავარმა, ყოვლადუსამღვდელოესმა ეპისკოპოსმა საბამ, სადაც განსაკუთრებული მადლობა მიუძღვნა თესალონიკის მიტროპოლიტ ანთიმოზს მასპინძლობისათვის და ისაუბრა საქართველოსა და ელადის მართლმადიდებელ ეკლესიათა შორის არსებულ ძმურ და ისტორიულ ურთიერთობაზე, რისთვისაც მადლობას წირავს უფალს!"

ჩრდილოეთ ამერიკის ეპისკოპოსი საბა განაგრძობს მომლოცველობით ვიზიტს საბერძნეთის რესპუბლიკაში”.

წყარო: მსოფლიო საეკლესიო სიახლენი.

ასევე საინტერესოა

🔵დაცვის თანამშრომელს შეყვარებული ქალი, მანქანაში 20 საათი დაბმული ჰყავდა და მის გაგუდვას აპირებდა

🔵 საბერძნეთში მომხდარი ყველაზე გახმაურებული მკვლელობა - დოკუმენტური ფილმი "კაროლაინი" -ს პრემიერა

🔵საბერძნეთში, გემზე ცეცხლის ალყაში მოქცეული ორი მგზავრი გადაარჩინეს, ხუთი კი ცოცხალი იპოვეს