კაროლაინის მეუღლემ მკვლელების სასაუბრო ენა ამოიცნო - განსაკუთრებული სისასტიკით ჩადენილი დანაშაული საბერძნეთში

საბერძნეთის მედია გლიკა ნერაში მომხდარ განსაკუთრებული სისასტიკით ჩადენილი დანაშაულის შესახებ ახალ ინფორმაციას ავრცელებს, სადაც მძარცველებმა 20 წლის კაროლაინი საკუთარ სახლში, მეუღლისა და 11 თვის შვილის თვალწინ მოკლეს.

გავრცელებული ინფორმაციით, დამნაშავე პირები სავარაუდოდ, ალბანელები არიან. 

როგორც კაროლაინის მეუღლემ, პოლიციასთან მიცემულ ჩვენებაში განაცხადა, მან გაიგონა როგორ საუბრობდნენ მძარცველები მისთვის უცნობ ენაზე. მისი და  საბერძნეთის პოლიციის დიდი ძალისხმევის შედეგად დადგინდა, რომ მძარცველები ალბანურად საუბრობდნენ. 

ასევე, საბერძნეთის პოლიციის ინფორმაციით, დანაშაულის ადგილას აღმოჩენილია ერთ-ერთი მოძალადის ფეხსაცმლის ანაბეჭდი, რომელსაც პოლიციის სასამართლო ლაბორატორიებში იკვლევენ.

პოლიცია, ასევე, იძიებს, წარსულში იგივე ქმედებებით ჩადენილ თავდასხმების შემთხვევებსაც, რამაც შეიძლება ისინი დამნაშავეების აღმოსაჩენად სწორ კვალზე დააყენოს. ერთ-ერთ ასეთ შემთხვევად განიხილება, კაროლაინის ქმრის (რომელიც პროფესიით პილოტია) ინსტრუქტორის, ოჯახზე განხორციელებული თავდასხმა, სადაც დამნაშავეები, ასევე, განსაკუთრებული სისასტიკით გამოირჩეოდნენ.

შეგახსენებთ, რომ მაისის შუა რიცხვებში საბერძნეთში, კერძოდ, გლიკა ნერში მძარცველები ახალგაზრდა წყვილს, 20 წლის კაროლაინს და 34 წლის პილოტს საკუთარ სახლში დაესხნენ თავს. 

გავრცელებული ინფორმაციით  მძარცველები სახლში გამთენიისას  შეიჭრნენ, საიზოლაციო ლენტით დააბეს 34 წლის პილოტი, 20 წლის კაროლაინი კი რომელიც, წინააღმდეგობას უწევდა მათ, გაგუდეს. დანაშაულის ჩადენის დროს იმავე ოთახში იმყოფებოდა წყვილის 11 თვის შვილიც. მძარცველებმა მოკლეს ოჯახის ძაღლიც. მათ გაიტაცეს 15 000 ევრო და ოჯახის ძვირფასეულობა.

აღსანიშნავია, ასევე, რომ საბერძნეთის პოლიცია მომხდართან დაკავშირებით სავარაუდო ეჭვმიტანილად საქართველოს მოქალაქესაც განიხილავდა, თუმცა მოკლე დროში გაირკვა, რომ მას არანაირი კავშირი არ ჰქონდა გლიკა ნერაში მომხდარ სასტიკ დანაშაულთან.

ამავე თემაზე:

⭕ „11 თვის ბავშვი მუხლებზე იდგა და გარდაცვლილ დედას ეხვეოდა“ - პოლიციელის ჩვენება, რომელმაც კაროლაინის ბავშვი ხელში აიყვანა

⭕ კაროლაინის ფრჩხილებში დამნაშავის დნმ-ი არ აღმოჩნდა - საბერძნეთში მომხდარი შემზარავი მკვლელობის ახალი დეტალები