„მდგომარეობიდან გამოვედი და გავგუდე“ - 20 წლის ცოლის მკვლელობაში ბრალდებულის შოკის მომგვრელი აღიარება

კაროლაინის ქმარმა, 32 წლის ბაბი ანაგნოსტოპულმა პოლიციასთვის მიცემულ  აღიარებით ჩვენებაში დეტალურად ისაუბრა, თუ როგორ მოკლა ახალგაზრდა მეუღლე 11 მაისის ღამეს, მათივე საცხოვრებელ სახლში.

ახალგაზრდა კაცმა აღიარა, რომ საბედისწერო ღამეს, ცოლი მათ შორის გამართული ჩხუბის შედეგად მოკლა და აქვე აღნიშნა, რომ მას თანამონაწილე  არ ჰყოლია.

პილოტმა ასევე ხაზი გაუსვა იმას, რომ წყვილი ბოლო პერიოდის განმავლობაში სისტემატურად ჩხუბობდა და ირწმუნება, რომ ყველაზე მეტად მას მათი პატარა ქალიშვილი ადარდებდა.

გავრცელებული ინფორმაციით, 11 მაისის საბედისწერო ღამეს, პილოტი შემდეგნაირად იხსენებს:

„იმ საღამოს ისევ ვჩხუბობდით, ლოგინიდან გამომაგდო, როცა გამოვდიოდი, დავინახე როგორ უხეშად ჩასვა ბავშვი თავის საწოლში. მითხრა, რომ სახლიდან წავსულიყავი, ხელი მკრა და მუშტებს მირტყამდა. მდგომარეობიდან გამოვედი, ის კი ყვირილს აგრძელებდა, მისკენ გავიწიე ხელები, პირზე ავაფარე, შემდეგ კი მაისურით ცხვირი და პირი დავუფარე, როცა მივხვდი, რომ მოვკალი დავიწყე ფიქრი, თუ როგორ დამეფარა დანაშაული, იქ ხომ 11 თვის ბავშვიც იყო. თანამონაწილე არ მყავდა, ყველაფერი მარტომ გავაკეთე და ვცდილობდი რაც შეიძლება დამაჯერებელი ყოფილიყო,“ -  ამბობს ბრალდებული.

იხილეთ დეტალები, რომელმაც გამოძიება სწორ გზაზე დააყენა:

🔴 წყვილის სახლში არსებული კამერებიდან  მეხსიერების ბარათის ამოღების დრო არ ემთხვევა პილოტის მიერ        მითითებულ დროს.

🔴 მკვლელობის ღამეს პილოტმა აღნიშნა, რომ ის მძარცველებს ხელ-ფეხ შეკრული ჰყავდათ, თუმცა მისი პირადი  მობილური ტელეფონიდან ირკვევა, რომ ამ პერიოდში საკმაოდ აქტიურად გადაადგილდებოდა, კონკრეტულად  ტელეფონში ფიქსირდება მის მიერ გადადგმული ნაბიჯები.

🔴  საქმეს „ნათელი“ მოჰფინა კაროლაინის ბიომეტრიულმა საათმა, რომელზეც დაფიქსირებულია მისი „პულსის“   გაჩერების ზუსტი დრო, რომელიც, ასევე, არ ემთხვევა ქმრის მიერ მიცემულ ჩვენებას. 

აღსანიშნავია, ასევე, რომ 32 წლის პილოტმა, მის მიერ მოგონილი ყაჩაღობის სცენარის მიხედვით, პოლიციისთვის მიცემულ ჩვენებაში აღნიშნა, რომ თავდამსხმელები უცხო ქვეყნის მოქალაქეები იყვნენ, რომლებიც ბერძნულად კარგად საუბრობდნენ.

ამ ჩვენების საფუძველზე, საბერძნეთის პოლიციამ ეჭვმიტანილად საქართველოს მოქალაქე ცნო, რომელსაც მოკლე დროში უდანაშაულობა დაუმტკიცდა და აღნიშნულ საქმეში ეჭვმიტანილის სტატუსი მოეხსნა. 

ნახეთ აგრეთვე 👇 

შოკის მომგვრელი ინფორმაცია - საბერძნეთის პოლიციამ 20 წლის კაროლაინის მკვლელად მისი მეუღლე დაასახელა