„პოლიციელმა ბავშვი ხელში აიყვანა, რადგან მიხვდა რომ ნამდვილი მკვლელი 32 წლის პილოტი იყო“

დღეს დილით, საბერძნეთის, კერძოდ  ატიკის პოლიციის უფროსმა, გიორგოს კალიაკმანისმა  ტელეკომპანია SKAI-ს დილის გადაცემაში, გლიკა ნერაში მომხდარ სასტიკ დანაშაულთან დაკავშირებით ისაუბრა. 

პოლიციის უფროსის განცხადებით, 11 მაისს, დანაშაულის ადგილზე გამოძახებული პოლიციის თანამშრომლები მაშინვე მიხვდნენ, რომ დამნაშავე სწორედ მოკლული 20 წლის გოგოს ქმარი იყო.

ეჭვს იწვევდა სახლის მდგომარეობაც და პილოტის ქმედებებიც. როგორც შემთხვევის ადგილზე მყოფი პოლიციელები  აღნიშნავენ, როდესაც გაათავისუფლეს პილოტი რომელიც „ვითომ“ მძარცველებს ჰყავდათ დაბმული, მან თითქოს არ იცოდა ისე იკითხა, იყო თუ არა მისი მეუღლე ცოცხალი, რის შემდეგაც რაღაც ორიოდე სიტყვა თქვა და ბავშვი ხელში აიყვანა.

პოლიციელმა, რომელსაც პილოტის ქმედებები საეჭვოდ მოეჩვენა, მამას ბავშვი ხელიდან წაართვა და სახლიდან გამოიყვანა, „რასაკვირველია ამ ფაქტს იმ დროს ვერ გავამხელდით“- აღნიშნა პოლიციის უფროსმა და დასძინა, რომ იმავე თანამშრომელმა, რომელმაც ბავშვი მამას ხელიდან წაართვა, მასთან პირად საუბარში განაცხადა, რომ ისეთი განცდა დაეუფლა, თითქოს, მკვლელი ქმარი იყო.

რაც შეეხება იმ გარემოებას, იყო თუ არა 32 წლის პილოტი სხვა პირის დაბმული, პოლიციის უფროსი აღნიშნავს, რომ შემთხვევის ადგილზე მისული პოლიციელი ჩვენებაში ამბობს „ თითქოს იხრჩობოდა, ისეთი ხმით მითხრა- გამხსენი თორემ ვიხრჩობიო, მეც ისე სწრაფად გადავუჭერი ლენტი, რომ ვერ მოვასწარი დაკვირვება, იყო თუ არა ის ნამდვილად  სხვისი დაბმული“.

გავრცელებული ინფორმაციით, ძარცვის სცენარი 32 წლის პილოტმა, მისი თანამშრომლის მიერ მოყოლილი „მის ოჯახზე განხორციელებული ძარცვის შემთხვევის“ ისტორიის მიხედვით შეთხზა.    

ნახეთ აგრეთვე 👇 

„მდგომარეობიდან გამოვედი და გავგუდე“ - 20 წლის ცოლის მკვლელობაში ბრალდებულის შოკის მომგვრელი აღიარება 

შოკის მომგვრელი ინფორმაცია - საბერძნეთის პოლიციამ 20 წლის კაროლაინის მკვლელად მისი მეუღლე დაასახელა  

ახალი გასაიდუმლოებული დეტალები კაროლაინის მკვლელობის საქმეში - რატომ მოითხოვეს სამართალდამცველებმა 32 წლის პილოტის "დაუყოვნებლივ " პოლიციაში გამოცხადება ?  

"11 თვის ბავშვი მუხლებზე იდგა და გარდაცვლილ დედას ეხვეოდა" - პოლიციელის ჩვენება, რომელმაც კაროლაინის ბავშვი ხელში აიყვანა