საბერძნეთის წითელმა ჯვარმა უკრაინის მშვიდობიანი მოსახლეობისთვის მე-5 ჰუმანიტარული დახმარება გაუგზავნა

ბერძნულმა წითელმა ჯვარმა,6 მაისს უკრაინის ქალაქ ჩერნივციში, რიგით მეხუთე ჰუმანიტარული დახმარება (40 ტონა) გააგზავნა. 

ამის შესახებ ინფორმაციას, ბერძნული მედია მედია ავრცელებს. 

როგორც ცნობილია, საერთო ჯამში, საბერძნეთის წითელმა ჯვარმა უკრაინას 250 ტონა ჰუმანიტარული დახმარება გაუგზავნა, რამაც დიდი წვლილი შეიტანა ომით გამოწვეული უზარმაზარი კრიზისის დაძლევაში. 

განსაკუთრებით სარისკო მისიით ბერძნული დელეგაციის გამგზავრებას, წითელი ჯვრის პრეზიდენტი, ანტონიოს ავგერინოსი და კლიმატის კრიზისისა და სამოქალაქო დაცვის მინისტრი ქრისტოს სტილიანიდისი დაესწრო. 

"კიდევ ერთხელ, წითელი ჯვრის მეშვეობით, ბერძენი ხალხი ამტკიცებს, რას ნიშნავს სოლიდარობა პრაქტიკაში.

საბერძნეთის წითელი ჯვარის სერვისის მუშაკები დაუღალავად, აგროვებენ და უკრაინაში გადააქვთ აბსოლუტურად საჭირო ნივთები დაზარალებულთა უზარმაზარი საჭიროებების დასაკმაყოფილებლად.

მადლობას ვუხდი პრეზიდენტ ავგერინოსს, რომელიც არის ამ დიდი ძალისხმევის „ლიდერი“.

ჩვენ, როგორც მთავრობა და როგორც კლიმატის კრიზისისა და სამოქალაქო დაცვის სამინისტრო, ყოველთვის მის გვერდით ვართ“- განაცხადა ქრისტოს სტილიანიდისი.

თავის მხრივ წითელი ჯვრის პრეზიდენტმა  ანტონიოს ავგერინოსმა განაცხადა, რომ ეს საკმაოდ სარისკო მისიაა.

„ჩვენ, დღეს უკვე მეხუთედ ვაგზავნით უკრაინაში დიდი რაოდენობით ჰუმანიტარულ დახმარებას.

ეს არის ძალიან სარისკო მისია.

ჩვენ ვამაყობთ, რომ ვართ ერთადერთი ორგანიზაცია, რომელსაც შეუძლია შეაღწიოს უკრაინის ტერიტორიაზე და დახმარებას უშუალოდ აწვდის მათ, ვისაც ეს სჭირდება.

რა თქმა უნდა, ჩვენ ღრმად ვართ მოვალენი ბერძენი ხალხის წინაშე, რადგან ისინი არიან ომის მსხვერპლთა სოლიდარობის უზარმაზარი ჯაჭვის რგოლი. ჩვენ გავაგრძელებთ ჩვენი სერვისების შეთავაზებას დაზარალებულებისთვის მანამ, სანამ ამას ომის მძიმე პირობები მოითხოვს"- განაცხადა წითელი ჯვრის პრეზიდენტმა ანტონიოს ავგერინოსმა. 

ასევე საინტერესოა:

🔵ათენში ავტობუსის მძღოლმა საჭეზე კონტროლი დაკარგა და ბოძს შეეჯახა - დაშავებულია მძღოლი და მგზავრები

🔵ოჯახური ტრაგედია საბერძნეთში - 50 წლის კაცმა ჯერ ცოლი მოკლა შემდეგ კი თვითმკვლელობა სცადა