საბერძნეთმა, თავშესაფრისთვის უსაფრთხო წარმოშობის ქვეყნების სიას ეგვიპტე, ნეპალი და ბენინი დაამატა, ამავე სიაშია საქართველო და უკრაინა

საბერძნეთმა, ეგვიპტე, ნეპალი და ბენინი თავშესაფრისთვის უსაფრთხო წარმოშობის ქვეყნების სიას დაამატა.

ამ სიაში კონკრეტული ქვეყნების ჩართვა განხორციელდა საბერძნეთის, იმიგრაციისა და თავშესაფრის მინისტრის ნოტის მიტარაკისისა და საგარეო საქმეთა მინისტრის მოადგილის მილტიადის ვარვიციოტისის ერთობლივი გადაწყვეტილებით თავშესაფრის სამსახურის (Υπηρεσίας Ασύλου) წინადადების საფუძველზე დაყრდნობით - იუწყება iefimerida.gr.

ამავდროულად, თავშესაფრისთვის უსაფრთხო წარმოშობის ქვეყნების სტატუსს ინარჩუნებენ ისეთი სახელმწიფოები, როგორიცაა განა, სენეგალი, ტოგო, გამბია, მაროკო, ალჟირი, ტუნისი, ალბანეთი, საქართველო, უკრაინა, ინდოეთი, სომხეთი, პაკისტანი და ბანგლადეში. სიაში შეტანილი უსაფრთხო წარმოშობის ქვეყნების საერთო რაოდენობა 17 შეადგენს.

საბერძნეთი მიიჩნევს, რომ ამ ქვეყნებში (მათ შორის საქართველოში) არ ხორციელდება ადამიანების დევნა, წამება, არაადამიანური მოპყრობა და დისკრიმინაციული ძალადობა.

საბერძნეთში უსაფრთხო ქვეყნის, თავშესაფრის მაძიებელი მოქალაქის განცხადების განხილვა ხდება 30 დღის განმავლობაში (წესით). ამ სიაში მოხვედრილი, მოქალაქეების მოთხოვნის დაკმაყოფილების შანსი მცირეა. 

ასევე საინტერესოა

🔵საბერძნეთი საკუთარ მოქალაქეებს მოუწოდებს უარი თქვან უკრაინაში მოგზაურობაზე

🔵საბერძნეთის მთავრობა, რუსეთის მიერ დონეცკისა და ლუგანსკის დამოუკიდებლობის აღიარებას კანონდარღვევად მიიჩნევს

🔵22/02/2022 მაგიური სარკის თარიღი - რას გვირჩევენ ასტროლოგები ამ დღეს