საბერძნეთში, 1 მაისამდე საგანგებო ზომები იმოქმედებს - ვინ როგორ შეძლებს სააღდგომოდ ტაძრებში და რესტორნებში შესვლას?!

საბერძნეთში, სააღდგომოდ კორონავირუსის გავრცელების თავიდან ასარიდებლად საგანგებო ზომები იმოქმედებს, რომელიც ძალაში გუშინ, 18 აპრილს შევიდა და 1 მაისამდე გაგრძელდება.   

ამის შესახებ ინფორმაციას მთავრობის გაზეთი ავრცელებს. 

მათივე ცნობით, რესტორნები და გასართობი ცენტრების დახურული სივრცის ზონა იმუშავებს მხოლოდ, მოქმედი ვაქცინაციის სერტიფიკატის მფლობელებისთვის, ხოლო ღია სივრცით სარგებლობის უფლება ექნება ყველას, მათ შორის არავაქცინირებულ მოქალაქეებსაც, ასეთ შემთხვევაში საჭიროა დიაგნოსტიკური სწრაფი ან PCR ტესტის უარყოფითი პასუხის წარდგენა.

4-დან 17 წლამდე არასრულწლოვნების შემთხვევაში მიიღება თვით დიაგნოსტიკური  ტესტის (სელფტესტი) პასუხიც, (რა თქმა უნდა პასუხი უნდა იყოს უარყოფითი).  

შემოწმება ჩატარდება დაწესებულების შესასვლელთან. მოლოდინის პროცესში მომხმარებლებს უნდა ეკეთოთ პირბადე. პირბადის ტარება სავალდებულოა, ასევე დაწესებულებების ყველა პერსონალისთვის.  მუსიკალური ბენდის არსებობის შემთხვევაში, მუსიკოსები ვალდებულები არიან დაიკავონ, მინიმუმ 1 მეტრის დისტანცია. 

ზომები რომლებიც იმოქმედებს ეკლესიებში :

აღდგომის ლოცვებზე დასასწრებად ეკლესიაში შესვლა, შესაძლებელი იქნება, ვაქცინაციის ან გადატანილი დაავადების მოქმედი სერტიფიკატით ან დიაგნოსტიკური ტესტის უარყოფითი პასუხით (სწრაფი ან PCR). 4-დან 17 წლამდე არასრულწლოვანთა  შემთხვევაში დასაშვებია თვით დიაგნოსტიკური ტესტის უარყოფითი პასუხიც. 

ეკლესიაში, პირბადის ტარება სავალდებულოა ყველასთვის, გარდა იმ სასულიერო პირებისა რომლებიც აღავლენენ ლოცვას. 

ასევე საინტერესოა

🔵ბერძენი პროფესორი კორონავირუსის საწინააღმდეგო ზომების გაუქმების წინააღმდეგია

🔵საბერძნეთმა, ჰააგის სასამართლოს, მარიუპოლში ომის დანაშაულების გამოძიების მოთხოვნით ოფიციალურად მიმართა

🔵 საბერძნეთში 5 ბალიანი მიწისძვრა მოხდა