საბერძნეთში, 70 წლის მოხუცმა პროდუქტის მოპარვა სცადა, მაღაზიის ხელმძღვანელი მის დასჯას კატეგორიულად მოითხოვს

საბერძნეთში, გაუსაძლისი ფინანსური პრობლემების მქონე მოხუცებულმა, სუპერმარკეტიდან პროდუქტის მოპარვა სცადა, შემდეგ კი სირცხვილის გამო სიცოცხლის თვითმკვლელობით დასრულება დააპირა.

შემთხვევა ილიონში, შაბათ საღამოს მოხდა. 

ბერძნული მედიის ინფორმაციით, პროდუქტის  ღირებულება, რომლის მოპარვასაც მოხუცი ქალი ცდილობდა 40 ევროს შეადგენდა. 

მაღაზიის ხელმძღვანელებმა, მოხუცი ქალის ქურდობების მცდელობა დააფიქსირეს და შემთხვევის ადგილას პოლიცია გამოიძახეს, რომელთაც 70 წლის მოხუცი, პოლიციის განყოფილებაში გადაიყვანეს. 

პოლიციელებთან საუბარში 70 წლის ქალმა აღიარა, რომ პროდუქტის მოპარვა გაუსაძლისმა  ფინანსურმა პრობლემებმა გადააწყვეტინა.

როგორც მან აღნიშნა, პენსია თითქმის მთლიანად იპოთეკური სესხის დაფარვას სჭირდება, წინააღმდეგ შემთხვევაში მას, სახლის დაკარგვა ემუქრება. 

მოხუცი ქალის ნაამბობმა პოლიციელების თანაგრძნობა, გამოიწვია და რადგან არსებობდა სუპერმარკეტის სხვა კლიენტების მერ შემოთავაზება, რომ ისინი გადაიხდიდნენ მოხუცი ქალის მოპარული საქონლის ღირებულებას, პოლიციას სურდა 70 წლის ქალი არ მიეცა სისხლის სამართლის პასუხისმგებლობაში, თუმცა სუპერმარკეტის ხელმძღვანელმა ქალის წინააღმდეგ დაწერა საჩივარი და კატეგორიულად მოითხოვდა, მის წინააღმდეგ საქმის აღძრას.

სუპერმარკეტის ხელმძღვანელს,  საჩივრის გაუქმების თხოვნით მიმართეს მოხუცი ქალის მეზობლებმაც პასუხად კი მკაცრი უარი მიიღეს, რადგან როგორც ხელმძღვანელი აღნიშნავს, კომპანიის პოლიტიკა მკაცრად ეწინააღმდეგება ასეთი საჩივრების გაუქმებას.

ტელეკომპანია  OPEN-თან ისაუბრა მოხუცი ქალის მეზობელმა რომელმაც განაცხადა, რომ 70 წლის ქალს, მომხდარის გამო იმდენად სცხვენია, რომ წნევის წამლების გადაჭარბებული დოზის მიღებით, თვითმკვლელობა სცადა, რის გამოც მეზობლებმა საავადმყოფოში გადაიყვანეს.

მეზობელი ასევე აღნიშნავს, რომ 70 წლის ქალს ეშინია, მომხდარმა ამბავმა მისი შვილების ყურებამდე არ მიაღწიოს, რომელთაგან ერთი უმუშევარია მეორე კი 4 შვილის მამა. 

ასევე საინტერესოა

🔵საბერძნეთის მთავრობამ რეგულაციების შემსუბუქების გადაწყვეტილება მიიღო - ნახეთ რა იცვლება 19 თებერვლიდან

🔵როგორ ძარცვავენ საბერძნეთში მაღაზიებს ქალები

🔵ინფლაციის რეკორდული მაჩვენებელი საბერძნეთში - რომელ საქონელზე გაიზარდა ფასები