საბერძნეთში ბუნებრივი აირის ტერმინალის მშენებლობა დაიწყო, რომელიც რუსულ გაზს ეროვნულ ბაზარზე შეცვლის

საბერძნეთის პრემიერ-მინისტრმა კირიაკოს მიცოტაკის განცხადებით, დაახლოებით 20 თვეში ალექსანდრუპოლისის  პორტში თხევადი ბუნებრივი გაზის ახალი ტერმინალის მშენებლობის დასრულების შემდეგ საბერძნეთი  შეძლებს მთლიანად შეცვალოს რუსული გაზი. 

თხევადი ბუნებრივი აირის მცურავი ტერმინალის მშენებლობის დაწყების საზეიმო ცერემონია 3 მაისს საბერძნეთის საპორტო ქალაქ ალექსანდროულში გაიმართა, რომელსაც აშშ-ის ელჩი საბერძნეთში ჯეფრი პიატი, საბერძნეთის პრემიერ მინისტრი კირიაკოს მიცოტაკისი, ევროპული საბჭოს პრეზიდენტი ჩარლზ მიშელი, ბულგარეთის პრემიერ მინისტრი კირილ პეტკოვი, სერბეთის პრეზიდენტი ალექსანდრ ვუჩიჩი, ჩრდილოეთ მაკედონიის პრემიერ მინისტრი დიმიტარ კოვაჩევსკი და ოთხი ქვეყნის ენერგეტიკის მინისტრები ესწრებოდნენ.  

"ძალიან მალე, ამ და სხვა პროექტებით, ჩვენ შევძლებთ, რუსეთიდან მიღებული ბუნებრივი აირის ჩანაცვლებას. ამავდროულად, ჩვენი ქვეყნები მზად არიან ერთად შეასრულონ ახალი როლი ევროპის ახალ ენერგეტიკულ რუკაზე. რუსეთის ბოლოდროინდელი შანტაჟი გაზის გამო ცხადყოფს, რომ ასეთი თანამშრომლობა არა მხოლოდ აუცილებელი, არამედ გადაუდებელია“, - განაცხადა მიცოტაკისმა და დასძინა, რომ საბერძნეთმა უკვე იზრუნა საკუთარ ეროვნულ ენერგეტიკულ ადეკვატურობაზე და რა თქმა უნდა, მზად არის დაეხმაროს მეზობელ ქვეყნებს, როგორიცაა ბულგარეთი.

პრემიერის განმარტებით, მომდევნო 20 თვის განმავლობაში საბერძნეთი შეძლებს მნიშვნელოვანი, ძალიან დიდი რაოდენობით თხევადი ბუნებრივი აირის მიღებას. (გაზიფიკაციის ჯამური სიმძლავრე იქნება 58,5 მილიონი კუბური მეტრი დღეში)   სახვა სიტყვებით რომ ვთქვათ ბერძნულ LNG სადგურს ექნება  შესაძლებლობა მთლიანად შეცვალოს რუსული ბუნებრივი აირი, არა მხოლოდ ეროვნულ ბაზარზე, არამედ შეცვალოს რუსული ბუნებრივი გაზის მნიშვნელოვანი ნაწილი ბალკანეთში. 

მისი თქმით, დაგეგმილია საბერძნეთი - ბულგარეთისა და ბულგარეთი - სერბეთის, საბერძნეთი - ჩრდილოეთ მაკედონიის სატრანსპორტო საშუალების მშენებლობის დაჩქარება. გაზის მიწოდება შესაძლებელია ასევე  რუმინეთსა და მოლდოვაშიც. 

ასევე საინტერესოა

🔵საბერძნეთში, მომავალი კვირიდან ძირითად პროდუქტებზე ფასები 50 % -მდე მოიმატებს

🔵საბერძნეთში შუა სეზონური ფასდაკლებები დაიწყო - კვირას მაღაზიები ღია იქნება

🔵საბერძნეთში მძღოლმა, რომელიც მანქანას მართვის მოწმობის გარეშე მართავდა, ერთი ადამიანის სიცოცხლე იმსხვერპლა