SOS - ყველაფერი რაც უნდა ვიცოდეთ აცრაზე - რისი გაკეთებაა აკრძალული და სავალდებულო ვაქცინაციამდე და მის შემდეგ

LIVE NEWS-ი ავრცელებს ყველა საჭირო ინფორმაციას თუ რა არის სავალდებულო და აკრძალული ვაქცინაციამდე და მის შემდეგ.

ყველაზე გავრცელებულ კითხვებს ათენის სამედიცინო ცენტრის პათოლოგიის დირექტორმა სოტირის ადამიდისი პასუხობს.

• შეიძლება თუ არა აცრის გაკეთება მედიკამენტებს მიღების დროს? 

- ასეთ მოქალაქეს შეუძლია დროებით შეაჩეროს მკურნალობის პროცესი, რა თქმა უნდა, პირადი ექიმის ინსტრუქციების მიხედვით.

• წარმოადგენს თუ არა რაიმე სახის რისკს ვაქცინაცია იმ ადამიანებისთვის, რომელთაც გააჩნიათ სეზონური ალერგია? 

- მათ, ვისაც არ ჰქონია მწვავე ანაფილაქსიური რეაქციები, შეუძლიათ გაიკეთონ ვაქცინაცია შედარებით მეტი სიფრთხილის დაცვით.  

თუ ვინმე ვაქცინაციის შემდეგ გრძნობს სიცხეს ან თავის ტკივილს, რომლის მკურნალობაც შეიძლება პარაცეტამოლით ანუ DEPON- ით, თავისუფლად შეუძლია მიიღოს ეს პრეპარატი. თუმცა ვაქცინაციამდე მსგავსი პრეპარატების გამოყენება არ არის რეკომენდებული.

პათოლოგიის დირექტორი აღნიშნავს, რომ ალკოჰოლის მიღება აკრძალულია ვაქცინაციამდე და მის შემდეგაც.

„პიროვნებას, რომელიც მიდის ვაქცინაციის გასაკეთებლად, არ უნდა ჰქონდეს მიღებული ალკოჰოლი და არ უნდა მიიღოს არც ვაქცინაციის შემდეგ, სულ მცირე, 3-4 დღის განმავლობაში".

მისივე თქმით, ვაქცინაციისთვის საუკეთესო საშუალება ბევრი წყალი, ძილი და სწორი კვებაა. კვების რაციონი არ უნდა იყოს მძიმე. ვაქცინაციამდე არ უნდა მიირთვათ ცხიმიანი საკვები. სასურველი ხილისა და ბოსტნეულის, ასევე, რძის ნაწარმის მიღება.

ექსპერტების მიერ ვაქცინირებულთათვის რეკომენდებულია დასვენება და ნელი ტემპით ვარჯიში, რაც ხელს უწყობს სისხლის მიმოქცევას. მათივე განცხადებით, ვაქცინირებულმა მოქალაქეებმა აღნიშნული სიფრთხილის ზომები უნდა გამოიჩინონ ვაქცინაციის შემდეგაც, ვინაიდან პირველი ანტისხეულები მე-3 კვირის შემდეგ იწყებს განვითარდებას.