"იმატებს მოუთმენლობა, თავშეუკავებლობა, იმპულსურობა და აგრესიულობა" - რას გვირჩევს ასტროლიგი რამაზ გიგაური 20 ოქტომბრის სავსემთვარეობაზე

ასტროლოგ რამაზ გიგაური სოციალურ ქსელში სტატუსს აქვეყნებს. როგორც გიგაური წერს, 20 ოქტომბერს საღამოს სავსემთვარეობაა. იგი საზოგადოებას სიმშვიდისკენ მოუწოდებს.

"მთვარე ვერძშია და მზე-მარსს უპირისპირდება.

იმატებს მოუთმენლობა, თავშეუკავებლობა, იმპულსურობა და აგრესიულობა.

20-ში(-):

* არ ვარჩევთ საქმეებს,

* არ გვინდება ნასვამზე ბასრი დანით პურის დაჭრა,

*  არ გვინდება წინ მიმავალი ოპელ-ვექტრასთვის გადასწრება,

*  არ გადავდივართ წითელზე,

*  რა ვთქვი მე, წითელზე არ გადავდივართ-მეთქი!

*  არ მივდივართ სანადიროდ,

*  არც ტირში არ მივდივართ,

*   არ ვიღებთ ვალებს (ყოველ შემთხვევაში ვერიდებით ამას),

*  არ გვინდება ავტობუსში უნიღბოდ ამომავალ „ვერზილას“, რომელსაც უნდა დაამტკიცოს, რომ მაგარი ტიპი, ჯემპრის თავზე წამოცმა და ჭიტლაყის ამორტყმა,

*  არც გინება... არავითარი შუა თითის ჩვენება!

*  ვერიდებით ბევრ ხალხს და აგრესიულ სიტუაციებს,

*  ვუფრთხილდებით თავს (რა რომელ თავს? რა კითხვაა ეს?! ვერძის სუსტი წერტილი - თავია),

*  ასევე არარეკომენდებულია ქირურგიული პროცედურები თვალებზე და კბილებზე (გარდა გადაუდებელი შემთხვევებისა).

20-ში(+):

* ვართ სიმშვიდეში, ნირვანაში, სამადჰიში,

* ვაჯამებთ ბოლო ორი კვირის პრობლემებს და დასკვნები გამოგვაქვს,

* აუჩქარებლად ვგეგმავთ მომდევნო ორი კვირის მიზნებს,

* კარგია რეკლამის გაკეთება (მიწერა-მოწერა. ოღონდ ფილმ „ფესვებით“ არ იყოთ, მიწერა რომ აქვს და მოწერა - არა),

* ვაქტიურობთ შესაძლებლობების ფარგლებში (ვურეკავთ, მივდივართ და ა. შ. ანუ თვითონ ვიჩენთ ინიციატივას),

* ვიწყებთ ან ვაკეთებთ მოკლევადიან საქმეებს, რომელიც შეიძლება სწრაფად დავასრულოთ და არ გაგვეწელოს,

* ზომიერად ვვარჯიშობთ (ექსპერიმენტების გარეშე),

* საკუთარ თავს უფრო მეტად ვიყვარებთ (ქრთამად ერთი კილო შოკოლადი მიართვით საკუთარ თავს და მიირთვით-მეთქი, ამას არ ვამბობ).

მე მჯერა, რომ ყველაფერი კარგად იქნება თქვენში და თქვენს გარშემო.  
სიყვარულით,
რამაზ გიგაური", - წერს ასტროლოგი სოციალურ ქსელში.