200-ევროიანი ბონუსი გრძელდება, ამჯერად მას თვითდასაქმებულებიც მიიღებენ

იტალიის მთავრობის გადაწყვეტილებით, 200-ევროიანი ბონუსი, რომელიც სახელმწიფომ დაბალი შემოსავლების მქონე ბენეფიციარებზე გასცა, მომდევნო თვეშიც გაგრძელდება.

ამის შესახებ ინფორმაციას ადგილობრივი მედია ავრცელებს. 

ყოფილი პრემიერის, მარიო დრაგის მთავრობის მიერ შემუშავებული ღონისძიების მიზანია ხელფასებისა და პენსიების მსყიდველუნარიანობის აღდგენა, რომლებიც ბოლო თვეებში ინფლაციის, ფასების ზრდისა და გაძვირებული ელ.ენერგიის გამო დაზარალდა.

სიახლეები უნდა იყოს თვითდასაქმებულებისთვისაც: მთავრობის დადგენილებით უნდა გამოიყოს 100 მილიონი, 200-ევროიანი ბონუსის გასაცემად მათთვის, ვისაც ბონუსი არ მიუღია. ბონუსის მიღება გარანტირებული უნდა იყოს დროებით მუშაკებსა და სეზონურ მუშაკებზე, რომლებიც წახალისების გარეშე დარჩნენ, როგორიცაა სოფლის მეურნეობის მუშები და სკოლის არასტაბილური თანამშრომლები. 

ბენეფიციარებმა 200-ევროიანი ბონუსი ივლისის თვეში უკვე მიიღეს ხელფასებში და საპენსიო ფურცლებში. 200 ევროს პრემია აგვისტოში გადაეცემათ იმ თანამშრომლებს, რომლებიც ივლისში გადასახდელ თანხებს თვის დასაწყისში ანაზღაურებენ. პრემია აგვისტოში გადაეცემათ იმ პენსიონერებსაც, რომლებსაც, სუბსიდია ივლისის თვეში არ მიუღიათ. ბონუსი არ ექვემდებარება დაბეგვრას.

აგრეთვე დაგაინტერესებთ:

📌 “13 წლიანი ემიგრანტობაც დასრულდა” - ყოფილი ემიგრანტი ნანა შველიძე

📌 უკრაინელი ლტოლვილები იტალიას ტოვებენ - „აქ ექსპლუატაციას გვიწევენ“

📌 იტალია მინიმალურ სახელფასო ზღვარს ზემოთ სწევს, მაგრამ შესაძლოა ხელფასების მომატება “ბადანტეებს” არ შეეხოთ?!