დღეიდან, ევროკავშირში მოგზაურობის შეზღუდვები შემსუბუქდება

ევროკავშირის ქვეყნებში მოგზაურობის სურვილის მქონე პირმა, ივლისის დასაწყისიდან, ქვეყნის საზღვრების შეზღუდვების გარეშე გადალახვის მიზნით, თან უნდა იქონიოს თაბახის ფურცელზე ამობეჭდილი, ან ციფრული ფორმატის საშვი - კოვიდ სერტიფიკატი.

საშვი შედგება „QR“ კოდისგან, რომელსაც მფლობელი შეინახავს სმარტფონში, ან ჯიბეში. (QR კოდი - 2D შტრიხ-კოდის წაკითხვა შესაძლებელია სმარტფონის „QR“ სკანერის პროგრამებითაც, რომელიც შესაბამისი პროგრამული უზრუნველყოფის დაინსტალირების შემდეგ, საშუალებას იძლევა, პირდაპირ მობილური ტელეფონის ეკრანიდან მივიღოთ ინფორმაციები).

მოგზაურობისთვის განკუთვნილია სამი ალტერნატივა:

- ვაქცინაციის ციკლის დასრულება;

- ტესტის უარყოფითი პასუხი;

- კოვიდ ვირუსისგან განკურნების და ანტისხეულების არსებობის დამადასტურებელი დოკუმენტი.

თავდაპირველად, ეს იდეა გამიზნული იყო მხოლოდ მოგზაურობისთვის გამოსაყენებლად, ახლა კი ბრიუსელი მოუწოდებს ევროკავშირის წევრ სახელმწიფოებს, შეთანხმდნენ იმ პირობებზე, რომ აღნიშნული დოკუმენტი, ასევე გამოიყენებოდეს კონცერტებზე, ფესტივალებზე, თეატრებში და რესტორნებში დასასწრებად.

იტალიაში, 30 ივნისის „Cdm“- ის ფარგლებში მწვანე სერტიფიკატის აუცილებლობის ჰიპოთეზა განიხილეს, მაგრამ ჯერ კიდევ არ არის განსაზღვრული თარიღი და როგორც ჩანს, რისკის ქვეშ დგას არა მხოლოდ 3 ივლისის დაგეგმილი განახლება, რომელიც შემოთავაზებული იქნა მემარჯვენეების მიერ, არამედ CTS– ის მიერ, 10 ივლისის რეგულაციების შემსუბუქების დაანონსებული საკითხიც.

(CTS - ტექნიკური სამეცნიერო კომიტეტი, კორონავირუსის გავრცელების გამო, ეპიდემიოლოგიური საგანგებო სიტუაციების გადასალახავად შექმნილი, საკონსულტაციო და საკოორდინაციო საქმიანობის დამხმარე ექსპერტიზა).