„ემიგრანტი თუ არ ხართ ვერ მიხვდებით „გადმოვარდა" რომ აივნიდან არ იქნებოდა... პირადად ვიცნობ ქალებს ფსიქიკურად შეშლილმა მოხუცმა თავი რომ გაუტეხა ჯოხით“

„ემიგრანტი თუ არ ხართ ვერ მიხვდებით „გადმოვარდა" რომ აივნიდან არ იქნებოდა... ისეთ სიტუაციაში უწევს ზოგ ქალბატონს აქ მუშაობა, მხოლოდ საშინელებათა ფილმში რომ გინახავთ“, - ასე გამოეხმაურა ერთ-ერთი ემიგრანტი, „ექსკლუზივტივის“ ფეისბუკგვერდზე, გუშინ იტალიის ქალაქ რეჯო-კალაბრიაში მომხდარ ტრაგიკულ შემთხვევას.

ემიგრანტი წერს, რომ პირადად იცნობს იმ ქალებს ვისაც ფსიქიკურად შეშლილმა მოხუცმა თავი გაუტეხა:

„პირადად ვიცნობ ქალებს ფსიქიკურად შეშლილმა მოხუცმა თავი რომ გაუტეხა ჯოხით როდესაც ფეხზე აცმევდა. მეორეს კი რკინის ფინჯანი ჩაარტყა თავისმა მოხუცმა, მოულოდნელად უკნიდან მოუქნია და გონება დაკარგა ქალმა.

მეორე დღეს კი წამოვიდა იმ სამსახურიდან, მაგრამ ისე ცუდად იყო... ამ კორონობის ფონზე ბევრი ქალი არ ტოვებს სამსახურს, იმის შიშით, რომ სხვა სამსახურს ვეღარ იპოვის მალე, თან სამსახური ნაყიდი აქვს ზოგს მთელი თვის ხელფასი აქვს გადახდილი, ზოგს ნახევარი თვის ხელფასი...

პლუს საქართველოში ბანკის ვალები აქვთ გასასტუმრებელი და ითმენენ...

პლუს ზოგს ოჯახის წევრები ჰყავს გაგზავნილი ფულით უკმაყოფილო (მომისმენია და ისე ვწერ)... გადმოვარდა არ ჰქვია 99% პროცენტში... მეც ვიმუშავე პირველი კარანტინის დროს საშინელ სამსახურში და მეც ვიყავი იმდენად გამწარებული,რომ ეგ აზრი მეც მომსვლია თავში... მადლობა ღმერთს, რომ არ გადავდგი ასეთი ნაბიჯი. ყველას ერთი ფსიქიკა არ გვაქვს და ზოგი ვერ უძლებს“.

წერს სოციალური ქსელის მომხმარებელი „ექსკლუზივტივის“ ფეისბუკგვერდზე.

უბედური შემთხვევა იტალიის ქალაქ რეჯო-კალაბრიაში, გუშინ მოხდა.

საქართველოდან იტალიაში სამუშაოდ წასული ქართველი ქალი, მეოთხე სართულიდან გადმოვარდა. გავრცელებული, თუმცა, დაუდასტურებელი ინფორმაციით, ქალმა სიცოცხლე თვითმკვლელობით დაასრულა.

მსგავსი თემები:

🔵 “ამ ქალაქში თავი არ მოიკლათ!“ - რა ისტორიებს იხსენებს ემიგრანტი ანა ბურდული

🔵 იტალიაში, ქართველი ემიგრანტის ტრაგიკული გარდაცვალების ფაქტს იტალიური მედია ეხმიანება