იტალია, ანტივაქსერ პოლიციელებს, სამუშაო კონტრაქტებს უჩერებს და იარაღის ტარებას უკრძალავს

იტალია კოვიდვაქცინით აცრილი მოსახლეობის რაოდენობით, ევროპაში პირველ ადგილზეა და ვაქცინაციის პროცესს ისევ აქტიურად აგრძელებს. მთავრობის გეგმაა შობამდე, 12 წელს ზემოთ მოსახლეობის 90% იყოს აცრილი. 

მოგეხსენებათ, იტალიაში ამოქმედდა Super Green pass-ი, რომელიც გულისხმობს აცრას და ვირუსისგან განკურნების ისტორიას. აღნიშნული საშვის გარეშე სოციალური აქტივობა თითქმის შეუძლებელია.

ძალაში დარჩა საბაზისო Green pass-ი, რომელიც პირს კოვიდ ტესტის საფუძველზე, მუშაობის უფლებას უტოვებს, მაგრამ სულ ახლახან, იტალიის ხელისუფლებამ დასაქმებულთა გარკვეულ კატეგორიაზე ახალი შეზღუდვა დააწესა. ეს კატეგორია საბაზისო Green pass-ით ვეღარ იმუშავებს, შესაბამისად ან უნდა აიცრას, ამ ვირუსი უნდა ჰქონდეს გადატანილი. ამ კატეგორიაში შედიან ძალოვანი უწყებებიც.

შინაგან საქმეთა მინისტრის გადაწყვეტილებით, ანტივაქსერ პოლიციელებს თავიდან გამოიძახებენ ასაცრელად. მათ გამოძახებიდან 5 დღის ვადაში უნდა წარადგინონ ან აცრის ფურცელი, ან ავადმყოფობის ცნობა, რომელიც ამტკიცებს რომ ვაქცინამ შესაძლოა პირის ჯანმრთელობას საფრთხე შეუქმნას, ან აცრის ჯავშანი, რომელიც 20 დღეში უნდა განხორციელდეს. 

წინააღმდეგ შემთხვევაში, სამუშაო კონტრაქტი დროებით შეჩერდება, მაგრამ არ შეწყდება. დასაქმებული, შეჩერებული კონტრაქტის განმავლობაში ვერ მიიღებს ანაზღაურებას და გარდა ამისა, მას ჩამოერთმევა პოლიციელის საბუთი, ე.წ ჟეტონი და შეუწყდება იარაღის ტარების უფლება.