იტალიაში კოვიდით 9 ბავშვი გარდაიცვალა

"მუდმივად გვიმეორებენ დიდ ტყუილს, რომ სრულად ვაქცინირებული ადამიანები მარტივად ინფიცირდებიან, შემდეგ კი სხვებზეც ავრცელებენ ვირუსს. მათივე ცნობებით, დაინფიცირების რისკი ნაკლებია არავაქცინირებული ადამიანებისგან. არ შეეფერება ეს სიმართლეს, არამც და არამც."- ამის შესახებ იტალიის ცნობილმა იმუნოლოგმა, პროფესორმა რობერტო ბურიონმა განაცხადა. მისი განმარტებით, სწორედ ვაქცინირებული ადამიანების დაინფიცირების რისკია ნაკლები, შესაბამისად მათგან ვირუსის გავრცელებაც იკლებს.

იმუნოლოგმა ბავშვებში კოვიდზე აცრაზეც ისაუბრა: ,,დღეისთვის შესაძლებელია 5-დან 11 წლამდე ბავშვების კოვიდზე აცრა. თითოეულმა მშობელმა დამოუკიდებლად უნდა გადაწყვიტოს შვილების აცრის საკითხი." ცნობისთვის, იტალიაში ინფიცირების ყველაზე მეტი შემთხვევა 0-დან 9 წლამდე ასაკის ბავშვებში დაფიქსირდა. ,,ამ დროისთვის იტალიაში გვაქვს კოვიდ ინფექციური დაავადება პედიატრიაში. ვირუსი ბავშვებში შედარებით მსუბუქად მიმდინარეობს, რასაც ვერ ვიტყვით ხანდაზმულებზე"- განაცხადა პროფესორმა. იტალიაში 6-დან 11 წლამდე ბავშვებში დაფიქსირებული შემთხვებებიდან განიკურნა 1,475, ინტენსიურ თერაპიაში იმყოფებოდა - 37, გარდაიცვალა 9 ბავშვი. 

,,ამერიკაში 5 მილიონი ბავშვი აცრეს, არცერთ კვლევას არ დაუდასტურებია ვაქცინის უარყოფითი ზეგავლენა. მე მყავს 10 წლის შვილი და ზუსტად იმიტომ რომ ძალიან მიყვარს და ვუფრთხილდები ავცერი - განაცხადა იმუნოლოგმა, რობერტო ბურიონმა.

ნონა გედენიძე სპეციალურად ExclusiveTV.ge-თვის ემილია-რომანიადან

აგრეთვე დაგაინტერესებთ:

📌 შეზღუდვები ბრუნდება - მსოფლიოში ,,ომოკრონის" შემთხვევები იზრდება

📌 გაიგეთ, რა შეზღუდვები დაწესდა საშობაოდ იტალიაში, ქალაქების მიხედვით!

📌 გაუქმებული საშობაო და საახალწლო ღონისძიებები - იტალიის ერთ-ერთი რეგიონი დღესასწაულების აღნიშვნაზე უარს ამბობს