იტალიაში ქართველი მამაკაცი გარდაიცვალა, რომელიც მძიმე სენს ებრძოდა - „ყველანი დავმარცხდით ერთად. დღეს უკვე ის საქართველოს გზას ადგას“ 

საემიგრაციო მედიამაუწყებელ Exclusivetv.ge-ს, იტალიაში მცხოვრები ქართველი ემიგრანტი ირმა ძაგნიძე დაუკავშირდა და გვთხოვა, მისი გულისტკივილი ფართო აუდიტორიამდე მიგვეტანა. 

იზა ძაგნიძეს მაზლი დაეღუპა, რომელიც  იტალიაში მკურნალობის კურსს გადიოდა. მწუხარების მძიმე წუთებში გადაწყვიტა, მისი გულისტკივილი და მადლიერება ერთდროულად მიეტანა ქართველ ემიგრანტებამდე. 

„გამარჯობა. რამდენიმე დღის წინ გარდაიცვალა ჩემი მაზლი, ირაკლი გოგოლაშვილი, რომელიც რამდენიმე თვეა იტალიაში გადიოდა მკურნალობას. ცხოვრობდა ძმის ალექსანდრე გოგოლაშვილის სახლში. ყველანი დავმარცხდით ერთად. დღეს უკვე ის საქართველოს გზას ადგას. 

ჩემი თხოვნაა საზოგადოებას უამბოთ საქართველოს საელჩოს, ბარის საკონსულოს თავდაუზოგავ, გულიან თანადგომაზე და ჩვენი ოჯახის სახელით საქვეყნოდ გადასცეთ უდიდესი მადლობა.“ - გვწერს ირმა ძაგნიძე.

“ასეთ მძიმე დღეებში ათასჯერ უმნიშვნელოვანესია როცა უცხო ქვეყანაში მარტოდ არ გრძნობ თავს, მეტიც თითქმის არ გვაწუხებდნენ და ჩვენს გარეშე ცდილობდნენ ყველაფერი ეკეთებინათ მათ. მინდოდა პირადად მე დამეწერა მაგრამ ვფიქრობ არ ვარ მზად და გადავწყვიტე თქვენთვის მეთხოვა. მადლობა მათ!!!“ - აღნიშნა ირმა ძაგნიძემ.

Exclusivetv-ს რედაქცია სამძიმარს უცხადებს დაღუპულის ოჯახს და თანაუგრძნობს.

სხვა თემაზე: 

📌 ნაგავსაყრელზე მიტოვებული ახალშობილის დედა ქართველი აღმოჩნდა