იცოდით, რომ მილანი…

მილანი - ქალაქი რომელიც ყველას ასე ძალიან მოგვწონს და გვიზიდავს!

მილანი  ჩრდილოეთ იტალიის მთავარი ქალაქია, რომელიც  ლომბარდიაში მდებარეობს. იგი ქვეყნის ყველაზე მჭიდროდ დასახლებულ და განვითარებულ რეგიონად ითვლება. 

ქალაქში და მის შემოგარენში, 3 მილიონზე მეტი ადამიანი ცხოვრობს, რაც ლომბარდიის რეგიონის თითქმის მესამედია, სადაც 10 მილიონზე მეტი მცხოვრებია.

მილანის სახელი მრავალი საუკუნის განმავლობაში იწერებოდა როგორც მაილანდი, რომელიც ამჟამადაც ამ ქალაქის გერმანული სახელია. ეს სახელი მომდინარეობს კელტური Mid-lan-იდან (შუა გავაკებაზე) და რომაელთათვის ცნობილი იყო როგორც მედიოლანუმი.

ქალაქი განთქმულია მოდით და მაღაზიებით. აქვე მდებარეობს მსოფლიოში უძველესი სავაჭრო ცენტრი Galleria Vittorio Emanuele. მილანი მსოფლიო მოდისა და დიზაინის ერთ-ერთ დედაქალაქთაგანია  ნიუ-იორკის, პარიზის, ტოკიოსა და ლონდონთან ერთად.

მილანი ასევე ევროპის ერთ-ერთ უმთავრეს საფინანსო და ბიზნეს ცენტრად ითვლება. იგი ასევე ცნობილია აქ წარმოებული ავტომანქანებით ალფა-რომეო  და აბრეშუმის ქსოვილით.

მილანი ინსუბრების მიერ ძვ. წ. V საუკუნის ბოლოს, ან VI საუკუნის დასაწყისში დაარსდა. ძვ. წ. 196 რომს დანებდა და მისი მნიშვნელოვანი ეკონომიკური ცენტრი გახდა.

ლანგობარდების (გერმანული მოდგმის ხალხი) ერთ-ერთი ჰერცოგის რეზიდენცია იყო. X საუკუნის დასასრულიდან  - საარქიეპისკოპოს ცენტრი გახდა. XI-XII საუკუნეებში ხელოსნობისა და ვაჭრობის ცენტრია. XI საუკუნის II ნახევრიდან მილანი პატარიის (რელიგიური მოძრაობა)  ერთ-ერთ კერას წარმოადგენდა, რის შედეგად 1097-1098 განმტკიცდა.

კომუნა (აღმოცენდა ჯერ კიდევ XI საუკუნის შუა წლებში) და მას შემდეგ არსებობს.

ქალაქში უამრავი სანახაობაა: მილანის ტაძარი (დუომო) სფორცების სასახლე, წმინდა ამბროსის ბაზილიკა, წმინდა მარიამ მოწყალის მონასტერი, საიდუმლო სერობა, ლა სკალას თეატრი, წმინდა ლორენცოს ბაზილიკა, წმინდა ეუსტორჯოს ბაზილიკა, პორტინარის კაპელა, ბრერას ხელოვნების გალერეა-ნახატების გალერეა მილანში, ჩერტოზა დი პავია, პავიას მოწყალების სახლი, კომოსა და გარდას ტბები, ინდუსტრიული სოფელი კრესპი დ’ადდა, კრემონის მთავარი ტაძარი და საათის კოშკი, მონცას სამეფო სოფელი, მანტოვაში წმინდა გიორგის სახელობის ეკლესია და სხვა.

ანუკა ღონღაძე სპეციალურად ExclusiveTV-თვის მილანიდან