მოხუცი "ბადანტეს" ძვირფასეულობის მოპარვაში ადანაშაულებს

ფლორენციაში 96 წლის ქვრივი, კარლა ტონელო გაქურდეს. ფაქტი ერთი თვის წინ მოხდა. მოხუცს მოჰპარეს ყველანაირი ძვირფასეულობა: ოქროს საათები და ყელსაბამები, ბრილიანტის ბეჭდები და საყურეები , ყველაფერი რაც მთელი ცხოვრების განმავლობაში აგროვა. „განსაკუთრებულად გული ოქროს მედალზე მწყდება რომელიც ჩემმა მეუღლემ ძალიან ბევრი წლის წინ, მიზანში სროლაში მოიგო.

კარლას მეუღლე, ვირჯილიო ბიგაცი, რომელიც საჰაერო ძალების მაღალჩინოსანი იყო, წლების წინ გარდაიცვალა და ქალისთვის მის მიერ ნაჩუქარი სამკაულები იმაზე ძვირფასი იყო, ვიდრე მათი რეალური ღირებულებაა.

მოხუცი დარწმუნებულია, რომ ძვირფასეულობა „ბადანტემ“ მოჰპარა, რომელმაც მომხდარი, თავის მხრივ, ექთანს დააბრალა. „დარწმუნებული ვარ, რომ ეს ჩემი „ბადანტეს“ გაკეთებულია. ერთ დღეს, როდესაც სახლის საქმეს აკეთებდა, დაიჟინა, რომ დასასვენებლად წავსულიყავი. ახლა ვხვდები, რომ ისარგებლა ჩემი არყოფნით და ჩემი ნივთები მიისაკუთრა. თვალდახუჭული ვენდობოდი, რასაც ძალიან ვნანობ“, განუცხადა კარლა ტონელომ ჟურნალისტებს. ქალმა მომხდარის შესახებ კარაბინერებს შეატყობინა, საქმეც აღიძრა, გაიჩხრიკა მომვლელის საცხოვრებელიც, მაგრამ ძვირფასეულობის კვალს, დღემდე ვერ მიაგნეს.