ნახეთ, იტალიაში ხვალიდან რა კოვიდ რეგულაციები შედის ძალაში

რა იცვლება იტალიაში ხვალიდან, პირველი მაისიდან კოვიდ რეგულაციებში?

ნიღბების ტარება დახურულ სივრცეში გაგრძელდება კიდევ თვე-ნახევარი, 15 ივნისამდე, აგრეთვე ნიღბების ტარების ვალდებულება 15 ივნისამდე გაგრძელდა საზოგადოებრივ ტრანსპორტში, კინოთეატრებში, თეატრებში, საავადმყოფოებსა და სკოლებში.

ეს არის ის ძირითადი ცვლილებები, რომლებიც 1 მაისიდან ამოქმედდება, მაგრამ ვნახოთ უფრო დეტალურად,  კითხვა-პასუხის მეშვეობით, როგორ შეიცვლება იტალიის მოქალაქეთა ცხოვრება 1 მაისიდან

- 1 მაისიდან მწვანე საშვი აღარ იქნება საჭირო სამსახურებში წარსადგენად?

მწვანე სერტიფიკატი არ წყვეტს არსებობას, მაგრამ იტალიაში მისი მოთხოვნის ვალდებულება აღარ იქნება, ისეთ ადგილებში როგორიცაა: ბარები და რესტორნები, თვითმფრინავები, მატარებლები, ბორნები და ავტობუსები - რეგიონული, შიდა სპორტული დარბაზები და საცურაო აუზები, წვეულებები და ცერემონიები, კონფერენციები და კონგრესები, დისკოთეკები და სათამაშო დარბაზები, კინოთეატრები, თეატრები, კონცერტები.

- არის თუ არა გამონაკლისი ადგილები სადაც იქნება მწვანე საშვის აუცილებლობა?

ერთადერთი გამონაკლისი არის ვიზიტები საავადმყოფოში და მოხუცებულთა სახლებში სადაც 31 დეკემბრამდე საჭირო იქნება სუპერმწვანე საშვის ჩვენება (ვაქცინაცია)

-  მწვანე საშვი მაინც იქნება საჭირო საზღვარგარეთ გამგზავრებისთვის?დიახ, წესები იცვლება დანიშნულების ქვეყნების მიხედვით, მაგრამ მწვანე საშვი მისი „ძირითადი“ ფორმით (ვაქცინაცია, გამოჯანმრთელება ან ტესტის უარყოფითი პასუხი) კვლავ აუცილებელი იქნება ევროკავშირის ქვეყნებში შესასვლელად. Არა მხოლოდ. ჯანდაცვის მინისტრის განკარგულებით გახანგრძლივდა ზომები იტალიაში ჩასული ან საზღვარგარეთიდან დაბრუნებული პირებისთვის 31 მაისამდე: საკმარისი იქნება ტამპონი და ვაქცინაციის ან ვირუსგადატანილის მწვანე საშვი.

- ისევ საჭირო იქნება ნიღაბი სატრანსპორტო საშუალებებზე? და რომელი?

მთავრობამ გადაწყვიტა Ffp2 ნიღბის ტარების ვალდებულება 15 ივნისამდე გააგრძელოს ყველა ადგილობრივ და საქალაქთაშორისო სატრანსპორტო საშუალებებზე - ავტობუსებიდან მეტროებამდე, რეგიონული მატარებლებიდან დაწყებული ჩქაროსნული მატარებლებით და ბორნებით და თვითმფრინავებით.

- რა წესები იქნება სამუშაო ადგილზე?

საჯარო და კერძო სექტორში სამუშაო ადგილებზე (გარდა საავადმყოფოებისა და მოხუცებულთა სახლებში ) - ნიღბების გამოყენების ვალდებულება, მხოლოდ რეკომენდებულია, თუმცა, დამსაქმებლებმა, კერძო სექტორში, თუ მიზანშეწონილად ჩათვალეს, შეუძლიათ მოითხოვონ და შეინარჩუნონ მოქმედი პროტოკოლები, რომლებიც ითვალისწინებს დამცავი ნიღბის ტარების ვალდებულებას. FFP2 ნიღბების გამოყენება საჯარო ოფისებში რეკომენდებულია, კერძოდ, თანამშრომლებისთვის, რომლებიც კონტაქტში არიან საზოგადოებასთან შესაბამისი დამცავი ბარიერების გარეშე, სასადილოში ან სხვა საერთო სივრცეში მყოფთათვის, მათთვის, ვინც იზიარებს ოთახს მომსახურე პერსონალთან ერთად. ლიფტებში და ისეთ ადგილებში სადაც სივრცე არის დახურული.

- დარჩება თუ არა სკოლაში ნიღბის ტარება სავალდებულო?

დიახ, სასწავლო წლის ბოლომდე ვალდებულება უკვე გათვალისწინებული იყო მარტის ბოლო ანტი-კოვიდ-დადგენილებით. და მთავრობამ გადაწყვიტა უკან არ დაიხიოს, მიუხედავად იმისა, რომ ზეწოლა მათ მოხსნაზე დიდი იყო მაინც სავალდებულო დარჩა . სასკოლო კლასებში ქირურგიული ნიღბების ტარება საკმარისია.

- თუ საყიდლებზე მივდივარ ან სუპერმარკეტში მივდივარ, თან უნდა ვიქონიო ნიღაბი?

უკვე აღარ. დახურულ მაღაზიებში, სავაჭრო ცენტრებში, სუპერმარკეტებში, ბარებსა და რესტორნებში, 1 მაისიდან ნიღაბი სავალდებულო აღარ იქნება. ასევე საჯარო ოფისებში, ბანკებში, საფოსტო ოფისებში, მუზეუმებში, დისკოთეკებში, ასევე დალაქებში, პარიკმახერებში, კოსმეტოლოგებში. მაგრამ რადგან ეს არის "საჯარო" ან "ღია საზოგადოებისთვის" დახურული ადგილები, რეკომენდებულია გამოყენება.  კინოთეატრებსა და თეატრებში შესვლა ნიღბის გარეშე იქნება შესაძლებელი?არა. Ffp2 ნიღბები მაისის ბოლომდე იქნება სავალდებულო კინოთეატრებში, თეატრებში და ყველა დახურულ შოუში, როგორიცაა კონცერტები, ასევე სპორტულ არენებზე. ასევე საავადმყოფოებში და მოხუცებულთა სახლებში.

- სტადიონზე ნიღბის მოხსნა იქნება შესაძლებელი?

ხანგრძლივი მკლავჭიდის შემდეგ გადაწყდა, რომ სტადიონზე ნიღაბი სავალდებულო აღარ იქნება.

- არის თუ არა გარე ადგილები, სადაც ნიღბის ტარება სავალდებულოა?

არა, გარე ნიღბის ტარების ვალდებულება ასევე მოიხსნა შოუებსა და კონცერტებზე. გარეთ (შინაგან განსხვავებით) ნიღბის ტარების რეკომენდაციაც კი არ არის. 

ირმა მაისურაძე. იტალია. ბარი

აგრეთვე დაგაინტერესებთ:

📌 “18 წლისები რომ ჩამოდიან ემიგრაციაში, გული მწყდება, ამბობენ საქართველო ჭაობიაო, მძულს ასეთი ხალხი, ჭაობში ევროპაში ვართ!” - ემიგრანტი იტალიიდან

📌 „სკოლაში, რომის ისტორიასაც ვასწავლიდი - „მონობა რომში“, აქ კი პრაქტიკას გავდივარ“ - ემიგრანტი ქალბატონების პროფესიები და დღევანდელი ყოფა

📌 ახალშობილს, მამის გვარი ავტომატურად აღარ მიენიჭება - იტალიის საკონსტიტუციო სასამართლო, ამას დისკრიმინაციად მიიჩნევს