ქართველ “ბადანტეს“, იტალიელმა მოხუცმა განთავისუფლების ცნობაზე ხელი, გარდაცვალების შემდეგ მოუწერა

Sindacato UCI/ Patronato ENAC - ის წარმომადგენელი, ქალაქ პიზაში მოღვაწე იურისტი, ჯგუფ „ემიგრანტთა უფლებები და ვალდებულებები“-ს დამფუძნებელი, ხათუნა ტატუნაშვილი, სოციალურ ქსელში, CAF -ის  (საგადასახადო დახმარების ცენტრი) ოპერატორის დაუდევრობის გამო შექმნილ კომიკურ ამბავზე წერს, რომელმაც ქართველ მომვლელს პრობლემები შეუქმნა.

„იტალიელმა მოხუცმა, თავისივე გარდაცვალების გამო, სამსახურიდან გაათავისუფლა ქართველი მომვლელი, განთავისუფლების ცნობას, ხელს აწერს გარდაცვლილი მოხუცი გარდაცვალების შემდეგ?!

ამ ამბავმა პრეფექტურაში დიდი გაურკვევლობა გამოიწვია და დაიწყო ფაქტზე მოკვლევა. აღმოჩნდა, რომ მოხუცმა, განთავისუფლების ტექსტის შესადგენად, მიაკითხა ადგილობრივ CAF-ს, სადაც ერთ-ერთმა ოპერატორმა, დროის დაზოგვის მიზნით, სხვისთვის დამზადებულ ტექსტში სახელდახელოდ შეცვალა პირადი ნიშნები, ხოლო შინაარსი უცვლელი დატოვა და ასეთი სახით გასცა მომვლელის განთავისუფლების ცნობა, მოხუცის გარდაცვალების მიზეზით.

მსგავსი შემთხვევები, რამდენად სასაცილოდაც არ უნდა ჟღერდეს, ქმნიან რიგ ბიუროკრატიულ პრობლემებს.
მათ, რომლებიც არიან „სანატორიის“ (იტალიაში ლეგალურად ცხოვრების დოკუმენტი) დასრულების მოლოდინში, ნებისმიერი სახის პრობლემის მიუხედავად, აუცილებლად ელოდებათ დადებითი შედეგები, თუ დახმარებას დროულად მიმართავენ.“ - წერს ხათუნა ტატუნაშვილი.

აგრეთვე დაგაინტერესებთ:

📌 ვის შეუძლია მიიღოს “DISOCCUPAZIONE“ - უმუშევრობის შემწეობა

📌 Licenziamento - დამსაქმებლის მხრიდან შრომითი ხელშეკრულების გაწყვეტა

📌 DIMISSIONI - კანონი დასაქმებულის მხრიდან, სამსახურის ნებაყოფლობითი დატოვების შესახებ