„რა ბედნიერება და სიამაყეა, როცა ემიგრანტ დედას ამაგი დაუფასდება“ - გამარჯვების ისტორია

ასოციაცია „კულტურული მოძრაობა ქართველები იტალიაში“, მუხრან მაჭავარიანის სახელობის, საკვირაო სკოლის დამფუძნებელი, იურისტი ნინა წიკლაური სოციალურ ქსელში, წერილს აქვეყნებს, რომელსაც უცვლელად გთავაზობთ. 

„რა ბედნიერება და რა სიამაყეა, როდესაც ემიგრაციაში წასულ ქართველ დედას ახლობლების მრავალი წლის სიშორე და მონატრება დაუფასდება, მით უფრო შვილებისა, როგორც ირმა ტაბატაძეს, თავისი თენგო ხიდაშელის ამდენი წარმატება და დამსახურებული ჯილდო.

ირმა ტაბატაძე ზესტაფონელი ახალგაზრდა დედაა, რომელიც უკვე 5 წელია ემიგრაციაᲨი იმყოფება, იტალიის სამხრეთ რეგიონში რეჯიო-დი-კალაბრიაში. ირმამ შეძლო თავისი შვილის ფინანსური დახმარება გაეწია, უამრავ შეჯიბრზე მონაწილეობისა და პირველობის მოლოდინში... ემიგრაციაში, მის მიერ გამომუშავებული ხელფასი ამ გრძელი 5 წლის პერიოდში ძირითადად, თენგოს სპორტის სიყვარულში იხარჯება!

თვითმხილველი ვარ მრავალი რთული დღისა, რომელსაც ყველა ჩვენგანი გადის, უფრო მეტად კი დედები, შორს იმ საყვარელი და გულთან ახლოს მყოფი ადამიანებისგან, რომელსაც ოჯახი (შვილები) ჰქვია... მაგრამ ერთმანეთის მხნეობის ნიადაგზე რაღაცნაირად ყველა ითმენს ოჯახური ბუდის მომავლისთვის ზრუნვის მიზნის მისაღწევად!

ირმაც ერთ-ერთი იმ დედათა რიცხვს მიეკუთვნება ვინც იხტიბარი არ გაიტეხა და სპორტით, გატაცებულ და ძიუდოზე შეყვარებულ თენგოს არცერთი შეჯიბრი არ გააცდენინა - შედეგმაც არ დააყოვნა და 16 წლის ასაკში (9 წლიდან ვარჯიშობს) 130-მდე ოქროს მედლის მფლობელი გახდება,  მათ შორის მსოფლიო ქამრის პრიზიორი.

ბოლო შეჯიბრზე კი, კვიპროსში ახლახან (ორი დღის წინ) მეორე ადგილის ვერცხლის მედალს (და ეს პირველი და ერთადერთი ვერცხლია 130 ოქროს მედალს შორის) დასჯერდება.

უსაზღვროდ გახარებული ვარ, უპირველეს ყოვლისა იმიტომ რომ ემიგრატ დედას ამაგი დაუფასდა და შემდგომ თავად თენგოს გამო, ვინაიდან ასეთი კარგი შვილი, არა მარტო ირმა ტაბატაძის არამედ ჩვენი, ყველას და მთლიანად ჩვენი ქვეყნის სიამაყეა.

ჩვენი ასოციაციის სახელით ვულოცავთ მის ოჯახსა და ევროპის პრიზიორს, თენგოს ამ გამარჯვებას და კვლავ მრავალ წარმატებას ვუსურვებთ.“ - წერს ნინა წიკლაური.

აგრეთვე დაგაინტერესებთ:

📌 “კალაბრიაში, წელს 6 ემიგრანტი გარდაიცვალა, მათ შორის ოთხი, სამსახურებრივი მოვალეობის შესრულების დროს“ - რას ჰყვება ქართველი იურისტი

📌 გაიგეთ, რა შეზღუდვები დაწესდა საშობაოდ იტალიაში, ქალაქების მიხედვით!

📌 საშობაოდ იტალიის მასშტაბით ამინდი გაუარესდება