როგორ გავხსნათ საბანკო ანგარიში და საბანკო ბარათი იტალიაში?

პასუხები, ორგანიზაცია „centro servizi geo house“–სგან, ხშირად დასმულ კითხვაზე, თუ როგორ გავხსნათ საბანკო ანგარიში და საბანკო ბარათი იტალიაში? 
 
ლეგალიზაციის პრაქტიკის დასრულების შემდეგ-ანუ მას შემდეგ, როცა გვაქვს უკვე ბინადრობის უფლება, (permesso di soggiorno), ჯანმრთელობის დაზღვევის ბარათი (tessera sanitaria), რიგ შემთხვევაში ასევე კითხულობენ პირადობის მოწმობას (carta d identita), შეგიძლიათ და სასურველია გქონდეთ თქვენი ანგარიში და საბანკო ბარათი. მოახდინოთ თქვენი ხელფასის საბანკო ბარათზე დარიცხვა, მოახდინოთ გადარიცხვები, ისარგებლოთ ონლაინ ბანკინგით და გამოიყენოთ ის კომფორტი, რაც საკუთარ ანგარიშის მართვა ჰქვია.
 
საბანკო ანგარიშის გახსნა შესაძლებელია ნებისმიერ ბანკში -Unicredit SPA, Banca Monte dei Paschi di Siena SpA, Intesa Sanpaolo SpA, Banco Popolare – Società Cooperativa და ბევრი სხვა. ინიშნება ბანკში შეხვედრა კომპეტენტურ თანამშრომელთან და ხდება საბანკო ანგარიშის გახსნა, მაგრამ გასათვალისწინებელია ერთი საკმაოდ მნიშვნელოვანი დეტალი, რომ საბანკო ანგარიშს სჭირდება შენახვა - ანუ ყოველწლიური, ან ყოველთვიური გადასახადი. უმრავლეს შემთხვევაში ხდება დაზღვევის გაფორმებაც და საბოლოო ჯამში ანგარიშის შენახვა გარკვეულ ხარჯს უკავშირდება.
დღეს გაგაცნობთ გაცილებით მოქნილ, პრაქტიკულ და ძალიან სასარგებლო საბანკო პროდუქტს, რომელიც ყველა ზემოთ ჩამოთვლილი ოპერაციისათვის შეგიძლიათ გამოიყენოთ.
 
იტალიის საფოსტო სისტემას აქვს საბანკო ბარათი სახელწოდებით Carte Postepay არსებობს postapay-ს რამდენიმე ვარიანტი, რომელთაგან ლიდერობს Postepay Evolution, რომელიც შემდეგნაირად არის წარმოდგენილი.
– ბარათს გააჩნია საბანკო ანგარიშის ნომერი ე.წ. IBAN-ი, რომლის მეშვეობითაც, შეგიძლიათ მიიღოთ და გადარიცხოთ თანხები ანგარიშიდან ანგარიშზე, როგორც იტალიის ტერიტორიაზე, ასევე მსოფლიოს ნებისმიერ ქვეყანაში;
– შეგიძლიათ გადმოწეროთ app ტელეფონში და უფრო მოქნილი გახადოთ ბარათის გამოყენების პროცესი;
– შეგიძლიათ განახორციელოთ ონლაინ შესყიდვები; 
– შეგიძლიათ ბარათიდან გააგზავნოთ სასურველი თანხა ნებისიმიერ ქვეყანაში western union -ის გამოყენებით;
– ბარათზე თანხა შეგიძლიათ დარიცხოთ ძალიან მარტივად მინიმალური დანახარჯით;
– ბარათის წლიური მოსაკრებელი შეადგენს 12 ევროს.
ბარათის აღება ნებისმიერ საფოსტო მომსახურების ოფისში შეგიძლიათ, შესაბამისი დოკუმენტაციის წარდგენის შემდგომ.