ამერიკაში მოღვაწე ქართველი ბიზნესმენი, რომელიც ნაძვის ხის მოსართავებს აწარმოებდა და საახალწლო ნაძვის ხის ისტორია

ახალი წელი ათასფრად მორთული ნაძვის ხის, ბრჭყვიალა დეკორაციებისა და განათების გარეშე, ალბათ წარმოუდგენელია. 

რაოდენ უცნაურიც არ უნდა იყოს, წინათ, ნაძვის ხის  მორთვისთვის სამართლებლივადაც კი სჯიდნენ ადამიანებს, მათ შორის, საბჭოთა კავშირის დროს.

ყველაფერი კი ასე დაიწყო... 

ძველად, მარადმწვანე მცენარეებს  განსაკუთრებულ მნიშვნელობას  ანიჭებდნენ. ზამთარში  ნაძვის ტოტებს ფანჯრებსა და კარებზე კიდებდნენ. ხალხს სჯეროდა, რომ ეს  მათ ავი თვალისგან იცავდა. ნაძვის ხე როგორც საახალწლო ატრიბუტი, XVI საუკუნეში გამოჩნდა ევროპაში. მას ვაშლებითა და სადღესასწაულო  ორცხობილებით რთავდნენ.

არსებობს მოსაზრება, რომ  პირველად პროტესტანტმა რეფორმატორმა, მარტინ  ლუთერმა, დაამატა ანთებული სანთლები  მორთულ ნაძვის ხეს. დროთა განმავლობაში,  ტრადიციამ ფესვები გაიდგა და მორთულ-მოკაზმული ნაძვის ხე, ევროპის სხვადასხვა ქვეყნის მოედნებზეც გამოჩნდა. 

XIX საუკუნის ბოლომდე, მორთულ ნაძვის ხეს წარმართულ სიმბოლოდ თვლიდნენ  ამერიკაში და  ეს ტრადიცია მიუღებლად მიაჩნდათ. 

XX საუკუნის დასაწყისიდან კი, ევროპულ ქვეყნებს,  არც ამერიკა ჩამორჩა.  ამერიკელები  ნაძვის ხეს ხილისა და ტკბილეულის ნაცვლად, ხელნაკეთი  ორნამენტებით ამშვენებდნენ. 

საქართველოში  ნაძვის ხე, როგორც საახალწლო სიმბოლო 1935 წელს დამკვიდრდა.

დროთა განმავლობაში, საახალწლოდ ნაძვის ხემ მთელი მსოფლიოს სახლებში დაიდო ბინა. სწორედ ამიტომ გახდა  საჭირო ხელოვნური ნაძვისხის შექმნა. 

ასე იქცა ნაძვისხის მორთვის ტრადიცია ახალი წლის განუყრელ ნაწილად და ყველა ოჯახისთის განსაკუთრებულ მოვლენად.

იცოდით, რომ საახალწლო მოსართავების ევოლუციაში წვლილი  ამერიკაში მოღვაწე ბიზნესმენსა და გამომგონებელს  გიორგი კობახიძეს. იმავე, ჯორჯ კობის მიუძღვის. მეორე მსოფლიო ომის დამთავრების შემდეგ. ჯორჯ კობიმ შექმნა ქიმიური სითხით სავსე ელექტრო სანათები, რომლებმაც ნამდვილი სანთლები  ჩაანაცვლა. მან ასევე დაამზადა  მინის სათამაშოები. საშობაო სათამაშოებზე ქართული ორნამენტებიც იყო გამოსახული: ვაზი,  ყურძნის მტევანი. სათამაშოების შეფუთვაზე კი ეწერა - "საშობაო ხის ორნამენტები, კობი – ეს შობაა". 

ელენე ფერაძე