FDA: "ფაიზერის" ვაქცინის მესამე დოზის ფართოდ გამოყენება საჭირო არ არის

აშშ-ის სურსათისა და მედიკამენტების ადმინისტრაციის (FDA) საკონსულტაციო საბჭომ 65 წელს ზემოთ და რისკის ქვეშ მყოფი პირებისათვის Pfizer-ის ვაქცინის მესამე დოზას რეკომენდაცია გაუწია.

ამასთანავე, საბჭომ Pfizer-ის ვაქცინის მესამე დოზის ფართოდ გამოყენების რეკომენდაცია არ გასცა.

15 სექტემბერს აშშ-ის სურსათისა და მედიკამენტების ადმინისტრაციის (FDA) მეცნიერებმა განაცხადეს, რომ Pfizer-ის ვაქცინის მესამე დოზა უფრო მაღალ იმუნურ პასუხს წარმოქმნის, თუმცა მიიჩნევენ, რომ ვაქცინის დამატებითი დოზის ფართოდ გამოყენება საჭირო არ არის.

"ზოგიერთმა კვლევამ აჩვენა, რომ Pfizer-ის ვაქცინის ეფექტურობა სიმპტომური ინფექციის ან „დელტა“ ვარიანტის წინააღმდეგ დროთა განმავლობაში მცირდება, თუმცა ზოგიერთმა კვლევამ მსგავსი შედეგი არ ცხადყო. საერთო ჯამში, მონაცემები მიუთითებს იმაზე, რომ ამჟამად აშშ-ში ლიცენზირებული ან ავტორიზებული ვაქცინები კვლავ უზრუნველყოფენ დაცვას მძიმე დაავადებისა და სიკვდილისგან", - აღნიშნულია საბჭოს მიერ გავრცელებულ განცხადებაში.

რაც შეხება ადამიანებს, რომლებმაც მიიღეს Moderna– ს ან Johnson & Johnson– ის ვაქცინა, მათ არ ეძლევათ რეკომენდაცია გამაძლიერებლის მიღების, სანამ კომპანიებს FDA არ აუნთებს მწვანე შუქს.

მოდერნამ სექტემბრის დასაწყისში წარადგინა გამაძლიერებელი მონაცემები, ხოლო Johnson & Johnson– ს ჯერ არ წარუდგენია მტკიცებულება.