რატომ ვჭამთ ბევრს ნერვიულობის დროს?! - სპეციალისტის რჩევები

იტალიაში მცხოვრები ფიტნეს ინსტრუქტორი მამუკა რაშოიანი, რომელიც უამრავ ემიგრანტს ეხმარება ცხოვრების ჯანსაღი წესისა და სწორი კვების შედგენაში, საინტერესო ფაქტებს გვიზიარებს იმის შესახებ, თუ რატომ ვჭამთ ბევრს, ნერვიულობის დროს?!

- ნეგატიური ემოციები, როგორიცაა სიფიცხე და შფოთვა ახდენენ საკვების მიღების სურვილის პროვოცირებას ნერვულ ნიადაგზე.

- ამაღელვებელმა მოვლენებმა და ემოციებმა შეიძლება შეცვალოს ადამიანის კვების ჩვეული მოდელი. შფოთვის დროს ბევრი ადამიანი საჭიროზე მეტს მიირთმევს, მძიმე გრძნობების გადასალახად. სიმაძღრის ეპიზოდებმა შეიძლება ყურადღება გადაიტანოს შფოთვის გამომწვევი არასახარბიელო მოვლენებიდან და პრობლემებიდან და შეარბილოს ინტენსიური და აუტანელი ემოციური მდგომარეობა. ამ მდგომარეობას უნდა ვებრძოლოთ არა შიმშილით და შეზღუდვებით, არამედ ვიმუშაოთ განწყობასა და ემოციებზე. არსებობს ძირითადი ტრიგერები, რომელთა აღქმაც უნდა შეცვალოს ადამიანმა მსგავსი პრობლემის დროს. მიზეზების პირველ ჯგუფს მიეკუთვნება წონის ან ფიზიკური ფორმის ცვლილება. თუ ადამიანი მუდმივად კრიტიკულად უდგება სარკეში საკუთარი სხეულის გამოსახულებას ან ხშირად დგება სასწორზე, შეიძლება ამის გამო განუვითარდეს შფოთვა.

- ამას გარდა, გირჩევთ იმუშაოთ ზოგადად უარყოფითი მოვლენების აღქმაზე. სამსახურში საყვედური ან წარუმატებლობა შეიძლება გახდეს საკვების ჭარბად მიღების მიზეზი. ადამიანებს ხშირად არ შეუძლიათ გრძნობების გადატანა, ამიტომ იყენებენ საჭმელს თვითდამშვიდების წყაროდ.

- თუ ჭარბი კვების ეპიზოდები სტრესული მოვლენების შემდეგ მეორდება, საჭიროა ფსიქოთერაპევტის დახმარება, რომელიც იმუშავებს კოგნიტიურ-ქცევით მიდგომებზე. ამას გარდა, ფსიქოლოგები გვირჩევენ დროებით მოვხსნათ დიეტური შეზღუდვები, ვიკვებოთ რეგულარულად და საკვებს შევხედოთ როგორც ენერგიის წყაროს.

წყარო: კვება მამუკასთან ერთად