ბათუმსა და ზუგდიდში საკრებულოს პირველი სხდომა ჩაიშალა (ვიდეო)

დეპუტატების უფლებამოსილების ცნობის შემდეგ, ბათუმის ახალი მოწვევის საკრებულოს სხდომა შეწყდა, ოპოზიციამ სხდომა დატოვა, რის გამოც საკრებულოს თავმჯდომარე ვერ აირჩიეს.

ოპოზიცია ამბობს, რომ ბოიკოტის რეჟიმში რჩებიან და საკრებულოს ახალ შემადგენლობაში კვორუმს არ უზრუნველყოფენ.

როგორც „ნაციონალური მოძრაობის“ დეპუტატმა, კახა ქაშიბაძემ განაცხადა, სხდომა დატოვეს, რადგან გარდაცვლილი ნუგზარ ფუტკარაძის დას, ნაზი ფუტკარაძეს არ მისცეს სიტყვით გამოსვლის უფლება.

ოპოზიციის სტრატეგია გაუგებარია „ქართული ოცნების“ დეპუტატებისთვის. ისინი ამბობენ, რომ დღევანდელი განცხადება არაფერს ნიშნავს და შესაძლოა საკრებულომ შეძლოს ნორმალური ფუნქციონირება.

არც ერთი მხარე არ გამორიცხავს, რომ შესაძლოა, ბათუმის საკრებულოს რიგგარეშე არჩევნები დადგეს დღის წესრიგში, თუმცა ამ ეტაპზე მათ პროგნოზირება უჭირთ.

ზუგდიდის მუნიციპალიტეტის საკრებულოს სხდომა, სადაც წარმომადგენლობითი ორგანოს ხელმძღვანელი პირები უნდა აერჩიათ, ასევე კვორუმის არქონის გამო ჩაიშალა.

ერთიანი ნაციონალური მოძრაობის მიერ, სხდომის დატოვების შემდეგ, იგივე გადაწყვეტილება გიორგი გახარიას გუნდის, "ერთიანი საქართველოსთვის" წევრებმა მიიღეს.

ახალი მოწვევის საკრებულოს პირველ სხდომაზე თავმჯდომარე წალენჯიხისა და სენაკის მუნიციპალიტეტებშიც ვერ აირჩიეს.

ახალი მოწვევის საკრებულოს პირველ სხდომაზე თავმჯდომარე წალენჯიხის, ჩხოროწყუს და სენაკის საკრებულოების მუნიციპალიტეტებშიც ვერ აირჩიეს.

დღეიდან, საქართველოს 64 მუნიციპალიტეტში 2021 წლის ოქტომბრის ადგილობრივი თვითმმართველობის არჩევნების შედეგად არჩეული საკრებულოები, უფლებამოსილების შესრულებას შეუდგნენ. 

ასევე საინტერესოა:

🔵 სისხლიანი გარჩევა ქობულეთში - მოკლულია 35 წლამდე ასაკის ახალგაზრდა

🔵 დაკავებულია ექიმი, რომელიც არავაქცინირებულ პირებს დაავადებათა კონტროლის ცენტრის ვებგვერდზე უკანონოდ არეგისტრირებდა და აცრილებად აღრიცხავდა