ჩარევაზე განცხადებები სიმართლე არაა - კელი დეგნანი მოსამართლე ჩხიკვაძის განცხადებაზე

„ნებისმიერი განცხადება, რომ მოხდა რაიმე ჩარევა, არ არის მართალი“, – განაცხადა აშშ-ის ელჩმა საქართველოში კელი დეგნანმა..

ელჩის განცხადებით, ამერიკის საელჩო მუშაობს იმაზე, რომ საქართველოში იყოს დამოუკიდებელი, მიუკერძოებელი, გამჭვირვალე სასამართლო სისტემა.

„იმიტომ ,რომ ეს არის მთავარი ქვაკუთხედი კანონის უზენაესობისთვის, რაზეც ჩვენ ვმუშაობთ და ჩვენ გავაგრძელებთ ამაზე მუშაობას. ეს არის მიზანი. ჯანსაღი დემოკრატიის ძალიან მნიშვნელოვანი ნაწილი მიუკერძოებელი, დამოუკიდებელი და გამჭვირვალე სასამართლო სისტემაა“, – თქვა ელჩმა.

დღეს მოსამართლე ლაშა ჩხიკვაძემ განცხადება გაავრცელა, სადაც ადასტურებს, რომ ის აშშ-ის საელჩომ პროგრამიდან ამოიღო, რის გამოც მან ვერ შეძლო აშშ-ში გამგზავრება. ასევე ის აცხადებს, ნიკა გვარამიას განაჩენის გამოცხადების შემდეგ მას შეხვდა საელჩოს წარმომადგენელი, რომელმაც უთხრა, რომ ელჩს აინტერესებს, რატომ მიიღო გვარამიას საქმეზე გამამტყუნებელი განაჩენი. 

20 მაისს მედიაში გავრცელდა ინფორმაცია, რომ თბილისის საქალაქო სასამართლოს მოსამართლე, ლაშა ჩხიკვაძე, რომელმაც ნიკა გვარამიას საქმეზე განაჩენი გამოიტანა,  აშშ-ის მთავრობის დაფინანსებული პროგრამით შეერთებულ შტატებში აღარ გაემგზავრება.

ასევე დაგაინტერესებთ:

🔵„ე. წ. „ქოცებო“ კარგად წაიკითხეთ ეს ტექსტი და ჩანიშნეთ თათბირი ონლაინ „იმასთან“ თორემ სხვა არაფერი აღარ გიშველით“ - სოსო გოგაშვილი განცხადებას ავრცელებს

🔵„მთავრობის ხალხმა იმგზავრეთ ერთი მატარებლით და როგორ მოგეწონებათ ვნახავ ერთი“ - ალეკო ელისაშვილი

🔵გამოძიებამ თემირლან მაჩალიკაშვილის ოჯახს პირადი ნივთები 1 წლისა და 5 თვის შემდეგ დაუბრუნაა