მკვლელობაში ბრალდებული ოლიმპიური ჩემპიონის ზურაბ ზვიადაურის საქმეზე გადაწყვეტილებას ნაფიცი მსაჯულები გამოიტანენ

მკვლელობაში ბრალდებული ოლიმპიური ჩემპიონის და პარლამენტის ყოფილი წევრის ზურაბ ზვიადაურის საქმეზე ნაფიცი მსაჯულების შესარჩევი პროცესი დაიწყო.

თელავის რაიონულმა  სასამართლომ 12 ნაფიცი და 2 სათადარიგო მსაჯული უნდა შეარჩიოს, რომლებიც საბოლოო ვერდიქტს გამოიტანენ. 

საქმის ნაფიცი მსაჯულებისათვის გადაცემის გადაწყვეტილება ბრალდებულმა და მისმა ადვოკატებმა წინასასამართლო სხდომაზე გამოაცხადეს.

„წინანდლის ტყეში მომხდარ მკვლელობასთან დაკავშირებით ბრალდებული - ზურაბ ზვიადაურს ეს რეაგირება რომ არ მოეხდინა, არც მე ვიდგებოდი დღეს აქ, არც ზურა იქნებოდა ცოცხალი და ბევრი ადამიანი დაიღუპებოდა“, - ამის შესახებ  ჯაბა ჯანგირაშვილმა განაცხადა, რომელიც წინანდლის ტყეში მომხდარ მკვლელობასთან დაკავშირებით იარაღის უკანონოდ ფლობაზეა ბრალდებული.

საქართველოს პროკურატურამ გაუგებარი უწოდა, თელავის რაიონული სასამართლოს მიერ 29 ნოემბერს მიღებულ გადაწყვეტილებას, რომლის მიხედვითაც ზურაბ ზვიადაური და ჯაბა ჯანგირაშვილი სასამართლო დარბაზიდან გირაოს სანაცვლოდ გაათავისუფლეს.

მკვლელობა სოფელ წინანდლის ტყეში, 2021 წლის 16 აგვისტოს მოხდა.

ორმხრივი სროლის დროს დაიჭრა 5 პირი, მათ შორის, 3 გარდაიცვალა. გარდაცვლილთაგან ერთი ყოფილი დეპუტატის და ოლიმპიური ჩემპიონის ზურაბ ზვიადაურის ძმა ზვიად ზვიადაური იყო.

კახეთის პოლიციის დეპარტამენტის თანამშრომლებმა ფაქტზე ორი პირი დააკავეს, ყოფილ პარლამენტარს საგამოძიებო უწყება განზრახ მკვლელობას ედავება, ხოლო ჯაბა ჯანგირაშვილს იარაღის დაუდევრად შენახვას.

ასევე საინტერესოა:

🔵 პროკურატურა ზურაბ ზვიადაურის გათავისუფლებაზე: გაუგებარია, თუ რა გარემოებებით იხელმძღვანელა მოსამართლემ

🔵 ზვიადაური იქ ნორმალურად რომ მოქცეულიყო, ეს ამბავი არ მოხდებოდა - ნიკა კენჭოშვილის დედა კახეთში მომხდარ სისხლიან გარჩევაზე