პრემიერი: 9 აპრილი ტრაგიკული თარიღია, როდესაც პატივს მივაგებთ მამულიშვილთა ნათელ ხსოვნას, ამავდროულად, არის ქართველთა ერთობის, საბოლოოდ გამარჯვების დღე

"9 აპრილი ტრაგიკული თარიღია, როდესაც პატივს მივაგებთ მამულიშვილთა ნათელ ხსოვნას, ამავდროულად, არის ქართველთა ერთობის, იმ ფასეულობათა საბოლოოდ გამარჯვების დღე, რომელიც საუკუნეთა განმავლობაში ქმნიდა ჩვენს დიდ ისტორიას", – ამის შესახებ საქართველოს პრემიერ-მინისტრის, ირაკლი ღარიბაშვილის განცხადებაშია აღნიშნული, რომელსაც 9 აპრილის ტრაგედიიდან 33 წლისთავთან დაკავშირებით ავრცელებს სოციალურ ქსელში ავრცელებს.

„9 აპრილისადმი თითოეულ ქართველს განსაკუთრებული დამოკიდებულება აქვს.

ზუსტად 33 წლის წინ დამოუკიდებლობისა და თავისუფლების იდეალებით გაერთიანებულ ქართველ ხალხს ავტორიტარული რეჟიმის სამხედრო მანქანა დაუპირისპირდა. მთელი მსოფლიო შეძრა ტრაგედიამ, რომელმაც 21 ჩვენი თანამოქალაქე შეიწირა.

ეს მსხვერპლი ამაო არ ყოფილა. ამ დღემ განსაზღვრა არა მხოლოდ საქართველოს, არამედ საბჭოთა კავშირში შემავალი ქვეყნების მომავალი. ზუსტად ორი წლის შემდეგ, 1991 წლის 9 აპრილს საქართველომ აღიდგინა 1921 წელს დაკარგული დამოუკიდებლობა.

9 აპრილი ჩვენთვის ტრაგიკული თარიღია, როდესაც კიდევ ერთხელ მივაგებთ პატივს მამულიშვილთა ნათელ ხსოვნას; ჩვენ არასდროს დავივიწყებთ, რომ დღევანდელი საქართველო სწორედ მათ მონაპოვარზე დგას. ამავდროულად, ეს არის ქართველთა ერთობის, იმ ფასეულობათა საბოლოოდ გამარჯვების დღე, რომელიც საუკუნეთა განმავლობაში ქმნიდა ჩვენს დიდ ისტორიას.

გზა, რომელიც დამოუკიდებელმა საქართველომ გაიარა, გვასწავლის, რომ ჩვენი ქვეყნის შემდგომი წინსვლა კვლავაც 9 აპრილის იდეალების გარშემო ერთობას უნდა დაეფუძნოს“, – აღნიშნავს ირაკლი ღარიბაშვილი.

ასევე დაგაინტერესებთ:

🔵 "როდესაც შენი სახელმწიფო ჩადის დანაშაულს, დამნაშავე მთელი ერია" - რას წერს ილიაუნის პროფესორი

🔵 "გაუპატიურებაც იყო, დაწვაც და ათასი უბედურება - მაშინ მსოფლიოს ეს თითქოს, არც გაუგია, მაგრამ თქვენ მაინც ხომ იცით, ხომ გსმენიათ, ხომ უნდა გახსოვდეთ საქართველოს მოქალაქეებო?!"

🔵 "კენტერბერიის ყოფილი არქიეპისკოპოსი ეკლესიათა მსოფლიო საბჭოდან, რუსეთის ეკლესიის გაძევებას ითხოვს"