საქართველოში "ომიკრონის" კიდევ 5 ახალი შემთხვევა დაფიქსირდა

საქართველოში „ომიკრონის“ შტამის კიდევ ხუთი შემთხვევა დადასტურდა. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საქართველოს პირველი არხის ეთერში განაცხადა.

გამყრელიძის განცხადებით, ყველა შემთხვევაში დაავადება მსუბუქად მიმდინარეობს.

„ცოტა ხნის წინ დაემატა კიდევ ხუთი შემთხვევა, რომელიც ჩვენთან, დაავადებათა კონტროლის ცენტრის ლუგარის ლაბორატორიაში დადასტურდა. სულ ლაბორატორიულად დადასტურებულია 29 შემთხვევა, თუმცა ალბათ გაცილებით მეტია, რადგან იმ პროტოკოლის მიხედვით, რომელიც აქვს ყველა ლაბორატორიას, ეს ეჭვები უფრო გახშირდა ბოლო დღეებში. მხედველობაში მაქვს ლაბორატორიული ინდიკატორები, სადაც შეიძლება, დაშვებული იქნას, რომ იყოს „ომიკრონი“ და შემდეგ უკვე ხდება გადამოწმება ლუგარის ლაბორატორიაში. ამ შემთხვვების დაახლოებით 50 პროცენტში ვადასტურდებ, რომ არის „ომიკრონის“ შტამი. ფაქტობრივად მან დაიწყო ცირკულირება ქვეყანაში და როგორც ვპროგნოზირებდით, ჩვენ არ ვართ გამონაკლისი. ყველა შემთხვევაში, რაც დადასტურებულია, დაავადება მსუბუქად მიმდინარეობს. არც ერთს, გარდა ერთისა, სტაციონარული მკურნალობა არ დასჭირვებია“, – განაცხადა ამირან გამყრელიძემ.

ასევე დაგაინტერე­­­­სებთ:

🔵შალვა ნათელაშვილი ღამის კლუბების გახსნას ითხოვს

🔵"2.5 წლის წინ დავამთავრე სკოლა და დღეს ავიღე ოქროს მედალი, არ მომილოცოთ - არ მიხარია, რადგან განათლების სისტემას ადამიანი არ უყვარს" - ეთო ხაბურძანია

🔵ლარი მცირედით გამყარდა - ვალუტის კურსი