თენგიზ თევზაძე ბიუროს სხდომაზე 5-პუნქტიან გეგმას წარადგენს - ცესკოს თავმჯდომარეობის კანდიდატებს დღეს მოუსმენენ

ცენტრალური საარჩევნო კომისიის თავმჯდომარეობის კანდიდატი თენგიზ თევზაძე ამბობს, რომ გარდა გამოცდილებისა და განათლებისა, მას აქვს 5-პუნქტიანი გეგმა, რომელსაც პარლამენტს წარუდგენს და, არჩევის შემთხვევაში, რეალურ შედეგებს პირველივე 6 თვეში მიაღწევს.

„მზად ვარ, შემდეგ კვირაში, ყველა პოლიტიკურ პარტიას, დაწყებული მმართველი პარტიით და დასრულებული დამოუკიდებელი დეპუტატებით, შევხვდე და ინფორმაცია მივაწოდო ჩემი გეგმების შესახებ. მე ღია ვარ შეხვედრებისთვის. ვაპირებ, შევხვდე სამოქალაქო საზოგადოებას, აკადემიურ წრეებს და გავაცნო ის მნიშვნელოვანი ცვლილებები, რომელთაც ვგეგმავ ცესკოს თავმჯდომარედ არჩევის შემთხვევაში. ჩემ მიერ წარდგენილი 5-პუნქტიანი გეგმა ხვალინდელი საარჩევნო ადმინისტრაციის აუცილებელი პირობაა. პირველ რიგში, ეს მოიცავს საზოგადოების ნდობის დაბრუნებას, ადმინისტრაციაში ადამიანური რესურსების ეფექტიან მართვას, კენჭისყრის პროცედურების შემსუბუქებასა და ამ პროცედურებში საარჩევნო ადმინისტრაციის სუბიექტური ჩარევის შემცირებას, არჩევნების ტექნოლოგიების მეშვეობით ჩატარებას და აუცილებელი პირობაა, რომ ყველა პოლიტიკური პარტია იყოს ჩართული საარჩევნო პროცესში და ჰქონდეს ნდობა საარჩევნო პროცესის მიმართ“, - აცხადებს თენგიზ თევზაძე.

ცესკოს თავმჯდომარეობისა და წევრობის კანდიდატებს ბიუროს სხდომაზე დღეს მოუსმენენ.

ასევე დაგაინტერე­­­­სებთ:

🔵2012 წლის შემდეგ მართლაც მასშტაბური პროექტები განხორციელდა - 27 000 დევნილი ოჯახი ახალაშენებულ კორპუსებში საცხოვრებელი ფართებით დაკმაყოფილდა - ირაკლი ღარიბაშვილი

🔵მდინარე იორდანესთან, საქართველოსთვის გადმოცემულ მიწაზე ქართული კულტურის ცენტრის ასაშენებლად, სამთავრობო კომისია იქმნება

🔵რა გავლენა აქვს ნარკოტიკების მოხმარებას შვილებზე? - ზაზა წერეთელი შდეგებს გვაცნობს