12-13 წლის ვიქნებოდი, რომ ჩემზე 5-6 წლით უფროსმა მეზობელმა ბიჭმა პირველად შემიყვანა თავის სახლში - ძალადობის მსხვერპლი გოგონას ისტორია

ბავშვებზე სექსუალურ ძალადობასთან ბრძოლის მიზნით შექმნილ ფეისბუკ გვერდზე "დამიცავი, პატარა ვარ" მორიგი ისტორია ვრცელდება.

ფეისბუკ ისტორიას "ექსკლუზივ tv" უცვლელად გთავაზობთ:

"ასე 12-13 წლის ვიქნებოდი, რომ ჩემზე 5-6 წლით უფროსმა მეზობელმა ბიჭმა პირველად შემიყვანა თავის სახლში. ეზოში ერთად ვთამაშობდით და ჩემთვის უცხო ადამიანი არ იყო. იმ დროს მარკების შეგროვებით ვიყავი გატაცებული და მითხრა, ჩემთან შემოდი, მარკებს დაგათვალიერებინებო. როდესაც ბინაში შევყევი, ტუჩებში კოცნა დამიწყო, ჩემს ახლო მიზიდვას ცდილობდა, სველი ტუჩებით სხეულზე გულისამრევად მეხებოდა, მკლავები დამიკოცნა, რამდენჯერმე ვაგინაზე წაპოტინებაც სცადა. რა თქმა უნდა, ხელი ვკარი, წინააღმდეგობა გავუწიე, რის შემდეგაც კარი გამიღო და გარეთ გამიშვა. ეს ეპიზოდი ძალიან ცუდად დამამახსოვრდა, რადგან ეს ბიჭი ამ ამბის შემდეგაც ბევრჯერ „მექაჩებოდა“ სახლში. ახლა ვიცი, რომ ჩემი შემთხვევა არასრულწლოვანის გარყვნა და სისხლის სამართლის დანაშაულია, მაგრამ მაშინ ეს არ ვიცოდი. მეგონა, ამ ამბის თქმა არავისთვის შეიძლებოდა. კარგი იქნება, თქვენი კამპანია არასრულწლოვანი გოგონებისთვისაც თუ გაითვალისწინებს საინფორმაციო სამუშაოს, რადგან ძალზე ბევრი მოზარდი გოგონა არსებობს, ვინც ასევე განიცდის სექსუალურ შევიწროებას ან უფროსების მხრიდან სექსუალური ხასიათის ძალადობას. მშობლები ამას ბავშვებს ხშირად ვერ უხსნიან. ამის შედეგად კი ის ხდება, რომ არც მოზარდმა და არც უკვე სრულწლოვანებაგადაბიჯებულმა გოგომ არ იციან, როგორ დაიცვან თავი ამ ამაზრზენი და ფსიქიკის გამანადგურებელი წნეხისგან. ზოგადად, არც მშობლებმა იციან, როგორ დაიცვან საკუთარი შვილები მოძალადეებისგან და შემვიწროებლებისგან. ეს ძალიან მნიშვნელოვანი საკითხია, ამ მიმართულებით ბევრია სამუშაო“.

ასევე დაგაინტერესებთ:

🔵ვანგას წინასწარმეტყველება დაბადების თარიღის მიხედვით

🔵გარდაცვლილი სამი შვილის მამის სიმღერის კლიპი და საზოგადოების რეაქცია მასზე

🔵"ბუჩას საბავშვო ბაღის ამბავზე ასამდე ადამიანმა მუშაობა უკვე დაიწყო - შაბათს კიევს მივადგები, ბუჩას მერს და საკრებულოს თავმჯდომარეს შევხვდები, ბაღის კონცეფციას გავაცნობ, თქვენს სიყვარულს და გამხნევებას გადავცემ" - გიგა მაქარაშვილი