„23 ნოემბერს ბუტა მოკლეს!“ - 17წელი 19 წლის ბუტა რობაქიძის მკვლელობიდან

„17 წლის წინ დედამ სახლიდან გაუშვა შვილი და მაგის მერე ყოველ დღე მის სუნთქვას ეძებს“, - წერს სოციალურ ქსელში ლიკა გამრეკელი  ბუტა რობაქიძეზე.

„ცხოვრება ერთადერთი შვილის გარეშე, ყველაზე სასტიკი ამქვეყნიური განსაცდელია, რომელსაც გმირობა სჭირდება!

სიმართლე - ერთადერთი ნუგეშია! გულწრფელობა - ერთადერთი გზა თანაზიარების! ყოველ წელს 23 ნოემბერს, ერთი ოჯახი ისევ კვდება, ჩვენი ქვეყანა კი ისევ გლოვობს!!! 

23 ნოემბერს ბუტა მოკლეს!“, - წერს ფეისბუკვერდზე გამრეკელი.

19 წლის ბუტა რობაქიძე  2004 წელს მოკლეს.

ბუტა რობაქიძე 2004 წლის 24 ნოემბერს თბილისში, წერეთლის გამზირზე, დიდუბის ეკლესიის მიმდებარე ტერიტორიაზე მოკლეს. პატრულის თანამშრომლებმა BMW-ს მარკის ავტომობილში მყოფი პირების დაკავების ოპერაცია ჩაატარეს, რომელიც მსხვერპლით დასრულდა - პატრულის მიერ გასროლილი ტყვიით 19 წლის ამირან რობაქიძე გარდაიცვალა. მანქანაში მსხდომი კიდევ ხუთი პიროვნება - კახაბერ აზარიაშვილი, აკაკი ბართაია, გიორგი ქურდაძე, ირაკლი მიქაბერიძე და ლევან დანგაძე - სამართალდაცავებმა დააკავეს.

ბუტა რობაქიძის მკვლელობასთან დაკავშირებით, შინაგან საქმეთა სამინისტროს ყოფილი მაღალჩინოსნების მხრიდან სამსახურებრივი უფლებამოსილების ბოროტად გამოყენების საქმეზე ბრალდებული იყო 5 პირი: გურამ დონაძე, ზაზა ბაქრაძე, ზურა მიქაძე, ირაკლი ფირცხალავა და დავით იაშვილი.

დიდუბის ეკლესიასთან, ბუტა რობაქიძის მკვლელობის ადგილას მემორიალი 2018 წელს გაიხსნა. 

მსგავსი თემები:

🔵  „იმდენი ქართული სისხლი დაღვარა სააკაშვილმა, ის არ არის სიცოცხლის ღირსი“ - მოკლული ბუტა რობაქიძის მამა

🔵 ბუტა რობაქიძის საქმის მოწმე: მანქანის შემოწმებისას, იარაღი ავტომობილში არ ყოფილა