59 წლის პაციენტი, კლინიკის ფანჯრიდან გადახტა - რა გახდა თვითმკვლელობის მიზეზი პირველ საუნივერსიტეტო კლინიკაში?

კორონავირუსით ინფიცირებული 59 წლის პაციენტი, რომელიც ფანჯრიდან გადახტა, კლინიკიდან ხვალ უნდა გაწერათ, ამის შესახებ, თსსუ-ს პირველი საუნივერსიტეტო საავადმყოფოს კლინიკურმა დირექტორმა ლალი ტურძელაძემ განაცხადა.

მისივე განცხადებით, პაციენტს ფსიქიკური პრობლემები არ ჰქონდა და მისი მდგომარეობა დამაკმაყოფილებელი იყო. პაციენტს ჩაუტარდა ყველა საკონტროლო ანალიზი და იგი თავს კარგად გრძნობდა.

„პაციენტი მამაკაცი, 59 წლის ჩვენს კლინიკაში შემოვიდა 5 თებერვალს. პაციენტი იყო მძიმე მდგომარეობაში, კოვიდინფიცირებული და მოთავსდა ინტენსიურ განყოფილებაში. ინტენსიურ განყოფილებაში პაციენტის მდგომარეობა გაუმჯობესდა და 8 რიცხვში გადავიდა პალატაში, სადაც ის ორსაწოლიან პალატაში იწვა, მეორე პაციენტთან ერთად. თავს კარგად გრძნობდა, ხვალ ვაპირებდით მის გაწერას, დღეს გაკეთდა ყველა საკონტროლო ანალიზი, მდგომარეობა იყო ძალიან დამაკმაყოფილებელი.

მეორე პაციენტი, რომელიც ამ პაციენტთან ერთად იწვა, დღეს გაეწერა ბინაზე, როდესაც შევიდა სანიტარი, დაალაგა იმ პაციენტის გამო პალატა, რომ იმ ადგილზე ახალი პაციენტი შემოსულიყო, სულ ორი წუთის გამოსული იყო, რომ პაციენტი ფანჯრიდან გადახტა. არავითარი ფსიქიკური პრობლემები არ ჰქონდა, პირიქით ჩვენთან ყველაზე მშვიდი პაციენტი იყო. ოჯახმაც თქვა, რომ არ ჰქონია არავითარი ფსიქიკური პრობლემა“, - განუცხადა ლალი ტურძელაძემ მედიასთან საუბრისას.

ლალი ტურძელაძის ინფორმაციით, პაციენტის ბიოლოგიური სიკვდილი 19:00 საათზე დაფიქსირდა.

ასევე დაგაინტერე­­­­სებთ:

🔵ბადრი ჯაფარიძის, ელენე ხოშტარიასა და შალვა ნათელაშვილისთვის სადეპუტატო უფლებამოსილების შეწყვეტას საპარლამენტო უმრავლსობა მხარს დაუჭერს

🔵უკრაინელმა ჯარისკაცებმა, საბერძნეთის ორი მოქალაქე მოკლეს და ორიც მძიმედ დაჭრეს