"ამაშუკელს არ უცხოვრია პოეტის ცხოვრებით, ამიტომ მისგან ტერენტი გრანელის გამოყვანა არ გამოვა" - ზვიად კვარაცხელია

მწერალი, პუბლიცისტი, გამომცემლობა "არტანუჯის" მთავარი რედაქტორი, ზვიად კვარაცხელია, პოეტ რეზო ამაშუკელის გარდაცვალების ფაქტს სოციალურ ქსელ ფეისბუკში ეხმაურება:

"რეზო ამაშუკელს არ უცხოვრია პოეტის ცხოვრებით, ამიტომ მისგან ტერენტი გრანელის გამოყვანა არ გამოვა.

მას იზიდავდა ძალაუფლება და პატივი, ხიბლავდა განსხვავებული აზრის მქონე ადამიანების ჯანდაბაში გასტუმრება – ტრიბუნიდან, ხმამაღლა, ზოგჯერ სახიფათოდ, ზოგჯერ კი ღვარძლითა და უკიდურესი ცინიზმით.

„მე კომუნისტი კაცი ვარ, მაგრამ პატრიარქის დაკიდებული ჯვრით დავდივარ“ – მის პოეზიაზე აღმატებით საუბრისას ეს ორმაგი მორალიც არ დაგვავიწყდეს.

ეს ჩვენი საზოგადოების, თითოეული ჩვენგანის მემკვიდრეობაა, უბრალოდ რეზო ამაშუკელმა გაახმოვანა მხოლოდ მისთვის დამახასიათებელი პათოსითა და არტისტიზმით.

ამიტომ არ უნდა გაგვიკვირდეს, რომ რეზო ამაშუკელის ბიოგრაფიაში მოქკავშირის დამფუძნებელი ყრილობა და „გიხაროდენ” უფრო ბრწყინავს, ვიდრე მისი პოეზია.

თვითონ გადაწყვიტა ასე, მგონი ასე ერჩია თვითონაც", - წერს ზვიად კვარაცხელია.

აღსანიშნავია, რომ აწ გარდაცვლილი პოეტი ოპოზიციას მწვავედ აკრიტიკებდა, ხოლო ხელისუფლების სასარგებლოდ ხშირად წერდა სოციალურ ქსელში.  პოეტი რეზო ამაშუკელი 85 წლის ასაკში 10 იანვარს, გარდაიცვალა.

ამავე თემაზე:

🔳 "რეზო ამაშუკელის ერთი ლექსი მაინც თუ წაუკითხავს ამ კაცუნას? აფხაზავასნაირებმა ყუბანეიშვილი უნდა იკითხონ მხოლოდ" - ნინიკო მშვიდობაძე ლადო აფხაზავას აკრიტიკებს

🔳 "როგორც იესომ სიკვდილზე, შენ გაიმარჯვე ნაცებზე" - ერეკლე დეისაძემ რეზო ამაშუკელის ხსოვნას ლექსი მიუძღვნა

🔳 „მადლობა, ბატონო რეზო, რომ ამხელა კაცი არ უკადრისობდით ჩემთან დარეკვას, ხან შენიშვნის მოცემას, ხანაც მოსაზრების გაზიარებას“ - თეა წულუკიანი რეზო ამაშუკელს ემშვიდობება

🔳 "ნუ ლანძღავთ ხალხო, მე ფქვილში ამოგანგლული წისქვილის ვირთხა შემარქვა, მაგრამ მერე რა... ღმერთმა აცხონოს" - ვახო სანაია

🔳 "მე არ დამიწერია" - ლადო აფხაზავა გავრცელებულ კომენტარზე საზოგადოებას ბოდიშს უხდის