ამირან გამყრელიძე "ფაიზერის" ვაქცინის ე.წ. ბუსტერ დოზით აიცრა

"ფაიზერი" გავიკეთე ხალხის დასარწმუნებლად, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ რესპუბლიკურ საავადმყოფოში განაცხადა, სადაც იგი „ფაიზერის“ ვაქცინის ე.წ. ბუსტერ დოზით აიცრა.

მისი თქმით, ქვეყანაში ბევრი ჭორია, თითქოს ვაქცინას ვადა გაუვიდა.

"სპეციალურად გავიკეთე „ფაიზერი“, რადგან ხალხი დავაწმუნო, ბევრი მოარული ჭორია სოციალურ მედიაში, რომ ქვეყანაში არსებულ ფაიზერს ვადა გაუვიდა და ასე შემდეგ. მინდა, განვაცხადო, ზოგადად აგვისტოს შემდეგ, აგვისტოში იყო ეს დადგენილება „ფაიზერისა“ და ამერიკის საკვებისა და წამლის ადმინისტრაციის, რომ „ფაიზერი“, რომელიც წლის პირველ ნახევარში ადმინისტრირდებოდა, დაშვებული იყო „ფაიზერის“ ექვსთვიანი ვადა.

აგვისტოში შეცვალეს რეკომენდაციები და შესაბამისად, „ფაიზერს“ ვადა აქვს უკვე ცხრა თვე მისი გამოშვებიდან, თუ ინახება -60-დან -90 გრადუს ტემპერატურაზე.

გამოლღობის შემდეგ შეგიძლიათ, გამოიყენოთ 30 დღის განმავლობაში, ჩვეულებრივ მაცივრის ტემპერატურაში, 2-დან 8 გრადუსამდე. საქართველოში „ფაიზერს“ ვინახავთ სამ ადგილზე", – განაცხადა ამირან გამყრელიძემ.

დაავადებათა კონტროლის ეროვნული ცენტრის ხელმძღვანელი ამირან გამყრელიძე პირველი და მეორე დოზით „სინოფარმის“ 2021 წლის მაისში აიცრა. 

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კორონავირუსის საწინააღმდეგო აცრა 7 103-მა ადამიანმა გაიკეთა. სულ ქვეყანაში 2 032 939 აცრა გაკეთდა.

ამავე თემაზე:

🔲 "ვაქცინაციის მარათონის ფარგლებში, 38 სოფელში დაახლოებით 4 ათასამდე ადამიანი აიცრა" - ამირან გამყრელიძე