„დარწმუნებული ვარ, თქვენს ნათლიას და მის სისტემას მამათქვენის მოკვლის მცდელობა არ ჰქონია“ - სააკაშვილის ნათლულის წერილი

მიხეილ სააკაშვილის ნათლული,  კობა დავითაშვილის ვაჟი, თორნიკე დავითაშვილი მიმდინარე პროცესებთან დაკავშირებით სოციალურ ქსელში განცხადებას ავრცელებს და წერს რომ შურისძიებას კარგი არასდროს და არავისთვის მოუტანია. 

„ექსკლუზივტივი“ თორნიკე დავითაშვილის განცხადებას უცვლელად გთავაზობთ:

1. დამნაშავე უნდა გასამართლდეს, მაგრამ

2. უნდა გასამართლდეს სამართლიანად და კანონის ფარგლებში.

3. ხალხის საჭორაო ნამდვილად არაა შიმშილის დეფინიცია, მაგრამ...

4. ასევე მხოლოდ ექიმები უნდა აფასებდნენ, არის თუ არა ადამიანის სიტუაცია კრიტიკული. ციხე იმის ციხეა, რომ პირადი სურვილები მგონი შეზღუდული უნდა იყოს, არა? შესაბამისად, გაუგებარია რატომ ითხოვს საავადმყოფოში გადასვლას, თუ ამის საჭიროება არ დგას.

5. მინდა რომ აუცილებლად ნეიტრალური მხარისგან გასამართლდეს. მოიწვიეთ საზღვარგარეთიდან მიუკერძოებელი მოსამართლეები, რომ ერთხელ და სამუდამოდ ამოვისუნთქოთ და გავაგრძელოთ ცხოვრება. თუ გაასამართლებენ, ხომ კარგი, თუ არადა, მე პირადად დავიღალე ამ ცირკით. რაც მნიშვნელოვანია, ის უკანა ფლანგზეა და ყველა იმას შევყურებთ, მიშა რას ჭამს თუ ბოდიში და რას ჯვ...

6. მე პირადად ყველაზე ირონიულად ვგრძნობ თავს ამ სიტუაციაში. დარწმუნებული ვარ, ნათლიათქვენს და მის სისტემას მამათქვენის მოკვლის 3 თუ 4 მცდელობა არ ჰქონია. მაინც, შურისძიებას კარგი არასდროს და არავისთვის მოუტანია, და მოდი გადავაგოროთ რა ეს უბედური თავი საქართველოს ისტორიაში. სჯობს, ქვეყნის აღმშენებლობით და გაძლიერებით დავკავდეთ, ვიდრე ჭორაობით.

შეგახსენებთ, რომ კობა დავითაშვილის ცემის საქმე ერთ-ერთი გახმაურებულია, იმ საქმეთა შორის, სადაც ყოფილი ხელისუფლების და მისი მაღალჩინოსნების ბრალეულობა დადგინდა.

აგრეთვე დაგაინტერესებთ:

🔵 პენიტენციური სამსახური: საჭირო რესურსი და სათანადო ინფრასტრუქტურა გვაქვს, მიხეილ სააკაშვილის სათანადო მკურნალობისთვის (ვიდეო)

🔵 "სამი დღეა, თითქმის არ ავმდგარვარ საწოლიდან და სოლიდარობის აქციის შემყურე, ისეთი ენერგია მომეცა, საკანში ადგილს ვერ ვპოულობ, ერთი კუთხიდან მეორეში დავდივარ" - მიხეილ სააკაშვილი მორიგ მიმართვას ავრცელებს