"ეს ჭაობის არსება სანდრას ფრჩხილის ფასიც რომ არ ღირს, არაუშავს?" - სააკაშვილი თეა წულუკიანზე

"ეს ჭაობის არსება სანდრას ფრჩხილის ფასიც რომ არ ღირს, არაუშავს?", - ასე გამოეხმაურა ექსპრეზიდენტი მიხეილ სააკაშვილი კულტურის, სპორტისა და ახალგაზრდობის მინისტრ თეა წულუკიანის გუშინდელ განცხადებას.

"მინისტრის საათის" ფარგლებში საუბრისას თეა წულუკიანმა თქვა, რომ სააკაშვილი "გალიაში მჯდომი ბელადია" და ცოლის პატიმრობას ითხოვს.

"დღეს წულუკიანმა გამოაცხადა, რომ გარდა იმისა, რომ მე კაცის მკვლელი ვარ, (ყველაფერი ჰილარი კლინტონის დალეულ "რედ ბულამდე" დავიდა, ეტყობა "რედ ბული" განსაკუთრებით მომაკვდინებელია სახელმწიფო მდივნებისთვის) თურმე სანდრას დაპატიმრებას ვითხოვ.

ეს ჭაობის არსება სანდრას ფრჩხილის ფასიც რომ არ ღირს, არაუშავს? მე სწორედ იმაზე ვისაუბრე, თუ რამდენი ადამიანის სიცოცხლე გადაარჩინა სანდრამ.

ის მუდმივად შერჩება საქართველოსა და ევროპის ისტორიას, ეს არარაობები კი სულ მალე დაგვავიწყდება, როგორც ცუდი სიზმარი", - წერს ექსპრეზიდენტი.

ექსპრეზიდენტმა, მიხეილ სააკაშვილმა სასამართლო პროცესზე განაცხადა, რომ: " ხარჯების დიდი ნაწილი სანდრასია, მას რატომ არ ასამართლებენ? ოღონდ, სანამ სანდრას ედავებით, გაიხსენეთ, რომ სანდრამ ამ ქვეყანაში შემოიტანა 100 მილიონი ევროს გრანტები სამედიცინო სფეროში".

ასევე დაგაინტერესებთ:

🔲 ყველას ჩაუშვებს, სანდრასაც, სოფოსაც, შვილებსაც, მშობლებსაც, “თანამებრძოლებსაც” და იმათაც, ვინც ჩუმად ხართ… - იუნონა შაფათავა მიხეილ სააკაშვილის განცხადებაზე

🔲 ხარჯების დიდი ნაწილი არის სანდრასი, სიამოვნებით ვიჯდებოდი მასთან ერთად ერთ საბრალდებო სკამზე - მიხეილ სააკაშვილი