"ფაქტია ვიღაცები ჯერ კიდევ ებღაუჭებით მანდატებს. სიტყვას გაძლევთ, არასოდეს გაპატიებთ ხალხი ახლა მიშას ღალატს" - ნანუკა ჟორჟოლიანი

ჟურნალისტი, ნანუკა ჟორჟოლიანი სოციალურ ქსელში პოსტს ავრცელებს.

"მინდა მივმართო "ნაციონალური მოძრაობის" ლიდერებს. ფაქტია ჯერ კიდევ ფიქრობთ რა უპასუხოთ პატიმარ პრეზიდენტს, რომელიც 31 დღეა შიმშილობს.

ფაქტია ვიღაცები ჯერ კიდევ ებღაუჭებით მანდატებს.

სიტყვას გაძლევთ, არასოდეს გაპატიებთ ხალხი ახლა მიშას ღალატს.

მათ შორის ისინიც, ვისაც მიშა არ უყვარს.

ჩვენ ხალხს მოღალატეები არ უყვარს", - წერს ჟორჟოლიანი.

დღეს გავრცელდა მიხეილ სააკაშვილის მორიგი გზავნილი ციხიდან. აღნიშნული გზავნილის შემდეგ, საპარლამენტო მანდატის დატოვების შესახებ დეპუტატებმა ერთმანეთის მიყოლებით გაავრცელეს ინფორმაცია.

საქართველოს მესამე პრეზიდენტი მიხეილ სააკაშვილი 1 ოქტომბერს, თბილისში დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, 32-ე დღეა შიმშილობს. სააკაშვილის ადვოკატები და პირადი ექიმები მისი ჯანმრთელობის მდგომარეობის დამძიმებაზე საუბრობენ და ყოფილი პრეზიდენტის სამოქალაქო კლინიკაში გადაყვანას ითხოვენ.

ამავე თემაზე:

🔵 "მე ვარ ძალიან გაბრაზებული, ვაზღვევინოთ და ვაგებინოთ პასუხი" - მიხეილ სააკაშვილის მორიგი გზავნილი საზოგადოებას

🔵 "არჩევნები მოიპარეს და ეს ძალიან მტკივნეულია, მაგრამ შეიძლება დავკარგოთ მიშას სიცოცხლეც" - ლიზა იასკო

🔵 პენიტენციური სამსახური: ნიკა გვარამიას მიერ გავრცელებული ბრალდება, სიმართლეს არ შეესაბამება

🔵 "უარს ვაცხადებ მანდატზე" - ლევან ვარშალომიძე საპარლამენტო მანდატს ტოვებს