"გაირკვა, რომ მძიმე ავადმყოფია, გონება გაეთიშა და უნებლიეთ დააწვა გაზს. თქვენ მსგავსი შემთხვევისგან დაზღვეული ხართ?!" - ხატია ჯანაშია საზოგადოებას მიმართავს

ზუგდიდში მომხდარ შემთხვევას, რა დროსაც მსუბუქი ავტომანქანა "ჯიპისის" აფთიაქში შევარდა, არტ-უნივერსალის დამფუძნებელი ხატია ჯანაშია სოციალურ ქსელ ფეისბუკში გამოეხმაურა.

ჯანაშია, საზოგადოების იმ ნაწილს, რომელიც ფაქტს დამცინავი კომენტარებით ეხმაურება, საკუთარ ისტორიას უზიარებს, როდესაც იგი ბავშვობაში მომხდარ ავტოსაგზაო შემთხვევას, სასწაულებრივად გადაურჩა.

"დღეს დილიდან სოცქსელში ისტერიულად ვრცელდება ფოტოები, როგორ შევარდა ჯიპი "ჯიპისი" აფთიაქში...

ზოგი ღლიცინებს, ზოგიც ლანძღავს მანქანის მძღოლს და ზოგიც გამოხატავს ამ ადამიანისადმი სიბრალულს.

გაირკვა, რომ მძღოლს, რომელიც მანქანით შევარდა აფთიაქში მძიმე ავადმყოფია, საჭის მართვისას დაწყებია თავის აუტანელი ტკივილი, აფთიაქთან მანქანა რომ უნდა მიეპარკინგებინა მაგ დროს ტკივილისგან გონება გაეთიშა და უნებლიეთ დააწვა გაზს, რა დროსაც მანქანა საპარკინგოდან ტროტუარზე გადავიდა და შეასკდა აფთიაქის ვიტრინას, მადლობა უფალს მსხვერპლი არ მოჰყოლია.

სანამ ვინმეზე ღლიცინს ან ლანძღვას დაიწყებდეთ, ხომ უნდა გაერკვეთ რა მოხდა?!

რომელიმე თქვენგანი მსგავსი ფაქტისგან დაზღვეული ხართ?!

თუ ადვილია ადამიანის გადავლა?!

1992 წელს მამამ მომიყვანა სკოლიდან, ჩემი სახლის წინ ქუჩას, რომ ვკვეთდი მანქანა დამეჯახა, მაშინ 11 წლის ვიყავი, მანქანამ გადამიარა და ეს ყველაფერი მამაჩემის თვალწინ მოხდა...

როგორ ფიქრობთ, მძღოლს უნდოდა დამჯახებოდა?!

თქვენ წარმოიდგინეთ არა!!!

თქვენგან, მოღლიცინეებისგან განსხვავებით, მე 11 წლის ბავშვი საავადმყოფოში ვიძახდი ჩემი ბრალია და მძღოლს არაფერი დაუშაოთ-თქო, ცალკე მამაჩემი იგერიებდა იმ სეირის მაყურებელთ, რომლებიც უჩიჩინებდნენ სახლი დაუწვი და ციხეში ჩაალპეო, მაგრამ მამამ ყველა მოსვა და იმ ადამიანს არათუ რამე დაუშავა, პირიქით გააფრთხილა, ფხიზლად იყავი, ეს ამბავი ვინმემ არ გამოიყენოს და ჩემი სახელით რამე არ დაგიშავოსო, მე შენს გვერდით ვარო!!!

მიუხედავად იმისა, რომ ჩემს გადარჩენას არავინ ელოდა, მე გადავრჩი!!!

აზრზე მოდით და სანამ ვინმეზე მაგარ მძღოლად ჩათვლით თავს და სანამ გალანძღავთ დაფიქრდით, რადგან არაფრისგან ხართ დაზღვეული და ამ ადამიანისგან განსხვავებით ღმერთმა დაგიფაროთ, მაგრამ შეიძლება თქვენს შემთხვევას მსხვერპლიც მოჰყვეს!!!

ეშმაკს არ სძინავს და გონს მოეგეთ!!!", - წერს ხატია ჯანაშია.

შემთხვევა ზუგდიდში დღეს მოხდა. კაცი, რომელიც მსუბუქ ავტომანქანას მართავდა, შეუძლოდ გახდა, საჭე ვეღარ დაიმორჩილა და „ჯიპისის“ აფთიაქში შევარდა.

ამავე თემაზე:

🔲 მძღოლი შეუძლოდ გახდა, საჭე ვერ დაიმორჩილა და აფთიაქში შევარდა - იგი საავადმყოფოშია გადაყვანილი (ფოტო)