განათლების სამინისტრო თსუ-ს რექტორატს მოუწოდებს, უზრუნველყოს სტუდენტურ საცხოვრებელში თავისუფალი ადგილების ათვისება, სტუდენტების განთავსება და 2021-2022 სასწავლო წლის ჰიბრიდულ რეჟიმში დასრულება

ივანე ჯავახიშვილის სახელობის თბილისის სახელმწიფო უნივერსიტეტის სტუდენტების პროტესტთან დაკავშირებით, საქართველოს განათლებისა და მეცნიერების სამინისტრო განცხადებას ავრცელებს.

სტუდენტები,  2021-2022 სასწავლო წლის ჰიბრიდულ რეჟიმში დასრულებას ითხოვენ.

„საქართველოს განათლებისა და მეცნიერების სამინისტრო მოუწოდებს თბილისის სახელმწიფო უნივერსიტეტის ხელმძღვანელობას, მაქსიმალურად გაითვალისწინოს სტუდენტების მდგომარეობა – უზრუნველყოს სტუდენტურ საცხოვრებელში თავისუფალი ადგილების ათვისება, მათი განთავსება და 2021-2022 სასწავლო წლის ჰიბრიდულ რეჟიმში დასრულება.

მოგეხსენებათ, უნივერსიტეტები საკუთარი ავტონომიურობის ფარგლებში სასწავლო პროცესთან დაკავშირებით თავადვე იღებენ კონკრეტულ გადაწყვეტილებებს. სამინისტრო იმედს გამოთქვამს, რომ თბილისის სახელმწიფო უნივერსიტეტი მაქსიმალურად გაითვალისწინებს სტუდენტების მოთხოვნებს და შესაბამის გადაწყვეტილებას მიიღებს“, - აღნიშნულია სამინისტროს განცხადებაში.

სტუდენტების თქმით, თავად ლექტორებისგან აქვთ ინფორმაცია, რომ პროფესორებს, რომელთაც თავიანთი კეთილი ნებით მოინდომეს სტუდენტების ონლაინ ჩართვა, ადმინისტრაცია ზუმის გამოყენებას უკრძალავს და მათ გასაკონტროლებლად აუდიტორიების შემოვლას გეგმავს:

„თბილისის სახელმწიფო უნივერსიტეტში სააუდიტორიო სწავლება სტუდენტური პროტესტის ფონზე განახლდა. მიუხედავად ამისა, სტუდენტების უფლებებისთვის ბრძოლის შეწყვეტას არ ვაპირებთ! მოთხოვნები უცვლელია: განათლებაზე ხელმისაწვდომობა; ღირსეული სტუდენტური საცხოვრებლი; შიდასაუნივერსიტეტო დემოკრატია; ხარჯების გამჭვირვალობა.

გიორგი შარვაშიძე პროტესტის განმავლობაში ერთხელაც არ გამოჩენილა, არც ორი სტუდენტის შესაფარებლად და არც თავის შეურაცხმყოფელ განცხადებებზე ბოდიშის მოსახდელად! დრო, რომელიც საჯარო შეხვედრის ორგანიზებისთვის მივეცით, ამოიწურა“ ,- აცხადებენ სტუდენტები.

ასევე საინტერესოა:

🔵 „მხსნელად მოსული ბიძინა ივანიშვილის იმიჯის შელახვა - ყველაფერი ეს არამეგობრული დასავლეთის პროექტია - ახლა გაიგეთ?“ - ლალი მოროშკინა

🔵 9 მაისს მოსკოვში თამარ გვერდწითელს არ უმღერია - არის მონტაჟი და თამარის ეს გამოსვლა შარშანდელია - რა ინფორმაცია ვრცელდება თამარ გვერდწითელის ფეისბუკგვერდზე

🔵 „ძალიან ლამაზი გამოდის, ბაღზე შემოხვეული ლამაზი სკოლა“ - რა ინფორმაციას ავრცელებს გიგა მაქარაშვილი