გიორგი ჩალაძე: პრეზიდენტი ენდობა ექიმებს და მათთან თანამშრომლობს

გენეტიკის ეროვნული ლაბორატორიის ხელმძღვანელის გიორგი ჩალაძის განცხადებით,საქართველოს მესამე პრეზიდენტი მიხეილ სააკაშვილი გორის სამხედრო ჰოსპიტალში მკურნალ ექიმებს ენდობა და მათთან თანამშრომლობს.

როგორც ჩალაძემ განაცხადა, დაინიშნება სპიკერი ექიმი, რომელიც საზოგადოებას ყოფილი პრეზიდენტის ჯანმრთელობასთან დაკავშირებით ინფორმაციას ეტაპობრივად მიაწვდის.

"მისი მდგომარეობა შეესაბამება 50-დღიან ძალიან მკაცრი შიმშილობის მდგომარეობას, ექიმები თავდაუღალავად შრომობენ, ჩემი თვალით ვნახე, როგორ შრომობენ, თავდადებით იკვლევენ, ცდილობენ გაარკვიონ რომელ ორგანოს რა დაზიანება აქვს.

არის თუ არა შესაძლებელი საქართველოში სრულფასოვანი შეფასება, ასევე მკურნალობის საკითხი, ესეც მალე გახდება ცნობილი.

პრეზიდენტის ჯანმრთელობა საჭიროებს ძალიან მაღალტექნოლოგიურ, მაღალკვალიფიციურ სიღრმისეულ კვლევებს.

მიხეილ სააკაშვილი ენდობა ექიმებს, ის მათთან თანამშრომლობს.

მისი განწყობა ახალა პირობის შესაბამისია, მან თქვა, რომ შესაბამის გარემოში კვების აღდგენას დაიწყებდა, კვების აღდგენა ძალიან რთული პროცესია, ის ექიმების რეკომენდაციებს ენდობა და ემორჩილება. როგორც ვიცი, სპიკერი დაინიშნება და რომელიც კონსილიუმის სახელით ილაპარაკებს, ეს გამორიცხავს დეზინფორმაციის გავრცელებას, ეს იქნება კარგად ორგანიზებული პროცესი", - განაცხადა ჩალაძემ.

საქართველოს ყოფილი პრეზიდენტი მიხეილ სააკაშვილი გლდანის სასჯელაღსრულების მე-18 სამკურნალო დაწესებულებიდან გორის სამხედრო ჰოსპიტალში 19 ნოემბერს გადაიყვანეს. გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალში სააკაშვილს სპეციალურად მომზადებულ პალატაში მოათავსეს.

ამავე თემაზე:

🔲 მიხეილ სააკაშვილი გორის ჰოსპიტალში გადაიყვანეს

🔲 "საჭმელზე უარს, რომ არ ამბობდა და ოჯახს აკრძალული ჰქონდა სადილის შეგზავნა, აი ეს იყო სისასტიკე და არა ის, როგორც ახლა, სამვარსკვლავიანი სასტუმროს პირობებში, წამოწოლილები, რომ არიან თბილად" - თამარ კიკაბიძე