გივი მიქანაძე ხელოვნური პროტესტის ორგანიზების სქემაზე: სტუდენტური მოძრაობები დამახასიათებელი მოცემულობაა ქვეყნებისთვის მაგრამ მნიშვნელოვანია რა დაფინანსებას იღებენ, ვისგან იღებენ, რაც მთავარია რა მიზნებს ემსახურება მიღებული დაფინანსება

სტუდენტური მოძრაობები დამახასიათებელი მოცემულობაა ნებისმიერი ქვეყნისთვის მაგრამ მნიშვნელოვანია რა დაფინანსებას იღებენ, ვისგან იღებენ, რაც მთავარია რა მიზნებს ემსახურება მიღებული დაფინანსება, - ასე ეხმაურება განათლების და მეცნიერების მინისტრი გივი მიქანაძე ხელოვნური პროტესტის ორგანიზების სქემას, რომელსაც უცხოური სპეცსამსახურების კონკრეტული წარმომადგენლები უწევენ ორგანიზებას.

მისი თქმით, სტუდენტური დაფინანსებები უნდა იყოს გამჭვირვალე.

„საგანმანათლებლო სივრცე აბსოლუტურად თავისუფალი უნდა იყოს ნებისმიერი პოლიტიკური პროცესებისგან. რა თქმა უნდა სტუდენტური მოძრაობები ეს ჩვეულებრივი დამახასიათებელი მოცემულობაა ნებისმიერი ქვეყნისთვის მაგრამ აქ მნიშვნელოვანი არის რა დაფინანსებას იღებენ, ვისგან იღებენ. რამდენად გამჭვირვალეა ეს დაფინანსება. რაც მთავარია რა მიზნებს ემსახურება მიღებული დაფინანსება და რისთვის ხდება ეს დაფინანსება. თუ ეს ეხება პროცესის რადიკალიზაციას ქვეყნის წინააღმდეგ მართული პროცესების და ქაოსური პროცესების ხელშეწყობას, რა თქმა უნდა ეს მიუღებელია და აქ კიდევ ერთხელ ვხედავთ თუ რაოდენ დიდი იყო სწორედ ასეთი ჯგუფების მხრიდან წინააღმდეგობა და ის ისტერიული პროცესი, როდესაც „გამჭვირვალობის კანონის“ განხილვა და შემდგომში კანონად მიღება ხდებოდა“, - განაცხადა გივი მიქანაძემ.

ხელოვნური პროტესტის ორგანიზების სქემა საქართველოში გაშიფრულია. აქციებს უცხოური სპეცსამსახურების კონკრეტული წარმომადგენლები უწევენ ორგანიზებას. „იმედის კვირის“ მიერ გაშიფრული სქემით, მთავარი ორგანიზატორები და მონაწილეები უნივერსიტეტები არიან. გამოძიება სახელმწიფო უსაფრთხოების სამსახურში დაწყებულია.