"დღეს მოსამართლე - ლიანა ორკოდაშვილმა ჩვეული ღირსებით და კვალიფიციურობით აღასრულა სამართალი" - მარიამ კუბლაშვილი ილია ჯიშკარიანის გამამართლებელ განაჩენს ეხმაურება

ადვოკატი მარიამ კუბლაშვილი სოციალურ ქსელში, საკრებულოს ყოფილ დეპუტატ ილია ჯიშკარიანის სასამართლოს მიერ დღეს მიღებულ გამამართლებელ გადაწყვეტილებას ეხმაურება და წერს:

"ძალიან ბევრი მაქვს სათქმელი ილია ჯიშკარიანის საქმის შესახებ, რამდენიმე დღეში შევხვდებით ლაივში და საქმის მნიშვნელოვან დეტალებზე ვისაუბრებ, რაც ნათელს მოჰფენს თუ რატომ მიიღო სასამართლომ  გამამართლებელი განაჩენი.

დღეს მოსამართლე - ლიანა ორკოდაშვილმა ჩვეული ღირსებით და კვალიფიციურობით აღასრულა სამართალი.

სიმართლე გითხრათ არ გამკვირვებია, ქართულ მართლმსაჯულებას უდიდესი კორიფე, მცველი ჰყავს აღნიშნული მოსამართლის სახით და ურყევი, მიუკერძოებელი, უშიშარი მსაჯული.

წარსულში შეგნებულად თავს ვიკავებდი მის მიმართ განხორციელებულ თავდასხმებზე კომენტარისგან, რადგან პროცესი მიმდინარეობდა, თუმცა რამდენი რამ მაქვს სათქმელი.

მადლობა მას, რომ არ შეშინდა მოსალოდნელი თავდასხმების და ანტიპიარის გამო, წინ დააყენა სამართლიანობა და სწორედ ამიტომ გახლავთ განსაკუთრებული.

ჩემ წარმოდგენებში სწორედ ასეთი იყო მოსამართლე ყოველთვის, მადლობა, მან ყველაზე ძვირფასი დაბადების დღის საჩუქარი გამიკეთა დღეს, რაც არის ჩემი საქმიანი რეპუტაცია და სამართლიანობის აღდგენით განცდილი უდიდესი ბედნიერება",- წერს კუბლაშვილი.

ასევე დაგაინტერესებთ:

* "არაოფიციალური ვერსიით, წყალში გადავარდნისას გული გაუსკდა" - ბორჯომში ტრაგიკულად დაღუპული მოზარდის ვინაობა ცნობილია

* სასამართლომ საკრებულოს ყოფილი დეპუტატი ილია ჯიშკარიანი ყველა წარდგენილ ბრალდებაში გაამართლა

*  "დანიის სამეფომ საქართველოში საელჩოს გახსნის გადაწყვეტილება მიიღო" - საგარეო უწყება