ირაკლი კირცხალია ევროკავშირის საგარეო საქმეთა მინისტრების საბჭოს სხდომაზე: ასეთი უტიფარი განცხადებები ჩრდილს აყენებს ევროკავშირის ღირებულებებს და რეპუტაციას

„უტიფარი განცხადებები, რომელიც ჩრდილს აყენებს ევროკავშირის ღირებულებებს და რეპუტაციას“, - ასე გამოეხმაურა უმრავლესობის ლიდერი ირაკლი კირცხალია ლუქსემბურგში გაკეთებულ განცხადებებს.

ირაკლი კირცხალიამ ყურადღება დისკუსიის აუცილებლობაზეც გაამახვილა.

„როდესაც ვხედავთ კრიტიკას, კრიტიკას ყოველთვის უნდა მოჰყვებოდეს ჯანსაღი დისკუსია. დისკუსია, რომელიც წლების განმავლობაში, ამას ჩვენ ვთხოვდით, დღესაც ვთხოვთ და ამ დისკუსიაში ისინი ვერ შემოდიან, ვერც ისინი ვერ შემოდიან ამ დისკუსიაში, ვინც მათი დიპლომატიური კორპუსის წარმომადგენლები ვერ შემოდიან ამ დისკუსიაში და ვერც ის აგენტურა ვერ შემოდის, რა თქმა უნდა, დისკუსიაში, რომელსაც ისინი, რომელთაც ისინი მართავენ.

ძალიან რულია შეხვიდე დისკუსიაში სახელისუფლებო გუნდთან, საზოგადოებასთან ქვეყანაში, სადაც შენ ეუბნები ქართველებს, რომ თურმე პოლიციელის დაწვა, ადმინისტრაციული შენობების დაწვა, „მოლოტოვის კოქტეილების“ სროლა, რევოლუციური სცენარები არის სიტყვის გამოხატვის თავისუფლება. ისინი არიან ერთ-ერთი ავტორები და ჩვენი აგენტურა თან ავტორები იმ დიდი აფიორისა, რომელსაც დაარქვეს რუსული კანონი.

ძალიან რთულია შემოხვიდე დისკუსიაში და ვკითხო, თუ რატომ არის ეს რუსული და აგიხსნან, რატომ არის ეს რუსული. რთულია და ამიტომ მხოლოდ და მხოლოდ ვუსმენთ ერთი მხრივ, ცალმხრივ, ასეთ უტიფარ განცხადებებს და სწორედ ასეთი უტიფარი განცხადებები შემდეგ აყენებს ჩრდილს მათ რეპუტაციას და იმ ღირებულებებს, რა ღირებულებებზეც იდგა ევროკავშირი“, - განაცხადა საპარლამენტო უმრავლესობის ლიდერმა, პარლამენტის ფრაქცია „ქართული ოცნების“ თავმჯდომარემ ირაკლი კირცხალიამ.